வாத்தியாருக்கு பிறகு இந்த பாட்டு இவங்களுக்குத்தான் 100 % செட் ஆகுது.. அடடே வீடியோ பிரமாதமா இருக்கே

பிக்பாஸ் நிகழ்ச்சிக்குப் பிறகு திரைப்படங்களிலும், மேடை நிகழ்ச்சிகளிலும் கவனம் செலுத்தி வரும் மாயா, தற்போது தனது தனி ஸ்டாண்ட்-அப் காமெடி ஷோவின் மூலம் ரசிகர்களை சந்தித்து வருகிறார். "Pomblel" என்ற பெயரில் நடைபெற்று வரும் இந்த நிகழ்ச்சிக்கு பல நகரங்களில் நல்ல வரவேற்பு கிடைத்து வருகிறது. அண்மையில் கோயம்புத்தூரில் நடைபெற்ற நிகழ்ச்சியிலும் ஏராளமான ரசிகர்கள் கலந்து கொண்டனர்.

4 பேரை பார்த்து விருது கொடுங்கள்னு கேட்கும் ஆள் தனுஷ் இல்லை.. விமர்சனங்களுக்கு தந்தை பதிலடி

மாயா டச்: அந்த நிகழ்ச்சியில் ரசிகர்களின் வேண்டுகோளை ஏற்று, மீண்டும் அதே எம்.ஜி.ஆர் பாடலை மாயா பாடினார். ஆனால் இந்த முறை சிறிய மாற்றத்துடன், "ராஜா" என்பதற்கு பதிலாக "ராணி" என்று பாடி ரசிகர்களை உற்சாகப்படுத்தினார். மேடையில் அவர் பாடிய அந்த வீடியோ தற்போது சமூக வலைதளங்களில் வேகமாக வைரலாகி வருகிறது.

வாத்தியாருக்குப் பிறகு: குறிப்பாக, அந்த பாடலை மாயா பாடிய விதம் ரசிகர்களிடையே மீண்டும் பெரும் வரவேற்பை பெற்றுள்ளது. "இந்த பாடல் வாத்தியாருக்குப் பிறகு யாருக்காவது இவ்வளவு கச்சிதமாக பொருந்தியிருக்கிறது என்றால் அது மாயாவுக்குத்தான்", "ராஜாவுக்கு பதிலா ராணி போட்டதே செம டச்", "இந்த பாடலை ஒவ்வொரு முறையும் மாயா பாடும்போதும் வேற லெவல் ஃபீல் கிடைக்கிறது" என்று பலரும் கருத்துகளை பதிவிட்டு வருகின்றனர்.

வரவேற்பு: நடிகை, காமெடியன், மேடை கலைஞர் என பல்வேறு தளங்களில் தனது திறமையை வெளிப்படுத்தி வரும் மாயா, இந்த ஒரு பாடல் மூலமாகவே மீண்டும் இணையத்தின் கவனத்தை ஈர்த்துள்ளார். கோயம்புத்தூர் நிகழ்ச்சியில் அவர் பாடிய வீடியோ தற்போது ரசிகர்கள் மத்தியில் அதிகம் பகிரப்படும் வீடியோக்களில் ஒன்றாக மாறியுள்ள நிலையில், அடுத்ததாக அவரது ஸ்டாண்ட்-அப் ஷோ ரசிகர்கள் மத்தியில் நல்ல வரவேற்பைப் பெற்று வருகிறது.