கட்டா குஸ்தி 2 பலமே ஐஸ்வர்யா லட்சுமிதான்.. அவருக்கு பரிசு இதுதானா?.. என்ன இது அநியாயம்?

கட்டா குஸ்தி மாஸ்: அதேசமயம் கட்டா குஸ்தி திரைப்படமோ ஐஸ்வர்யாவுக்கு வேறு லெவலில் பெயர் பெற்றுக்கொடுத்தது. அப்படத்தில் அட்டகாசமான சண்டை காட்சிகளில் எல்லாம் நடித்து அசரடித்திருந்தார். தமிழுக்கு மீண்டும் ஒரு விஜயசாந்தி கிடைத்துவிட்டதாக ரசிகர்கள் மகிழ்ச்சியடைந்தார்கள். அந்தப் படத்தின் வெற்றிக்கு கதை ஒரு காரணம் என்றால்; இன்னொரு காரணம் ஐஸ்வர்யாவின் நடிப்பும், அவரது கேரக்டர் வடிவமைக்கப்பட்டதும்தான்.

கட்டா குஸ்தி 2: இப்போது அவர் கட்டா குஸ்தி 2 திரைப்படத்தில் நடித்திருக்கிறார். முதல் பாகமே போன்றே இதிலும் தன்னுடைய கீர்த்தி கேரக்டர் பெரிய அளவில் பேசப்படும் என எதிர்பார்க்கப்பட்டது. மேலும் இப்படத்தில் அவரது கேரக்டருக்கு மேற்கொண்டு வெயிட்டேஜை ஏற்றியிருந்தார் இயக்குநர். ஐஸ்வர்யாவும், தன்னுடைய சூப்பர் நடிப்பை வெளிப்படுத்தி இதிலும் மாஸ் காண்பித்துவிட்டார். அதிலும், விஷ்ணு விஷாலுக்கும், அவருக்கும் வரும் குஸ்தி காட்சியில் கூஸ்பம்ப்ஸ் நிச்சயம்.

பக்கா வசூல்: இப்படம் சூப்பர் டூப்பர் ஹிட்டடித்திருக்கிறது. இதுவரை மொத்தம் 30 கோடி ரூபாய்க்கும் மேல் வசூலித்து படக்குழுவை உச்சக்கட்ட மகிழ்ச்சியில் ஆழ்த்தியிருக்கிறது. விரைவில் 50 கோடி ரூபாய் வசூலை கடந்து 100 கோடி ரூபாய் வசூலை நெருங்குமா என்ற எதிர்பார்ப்பும் பலரிடம் எழுந்திருக்கிறது. படம் மெகா ஹிட்டாகிவிட்டதால்; சில நாட்களுக்கு முன்பு படக்குழு சார்பில் நன்றி தெரிவிப்பு நிகழ்வும், சக்சஸ் மீட்டும் நடைபெற்றது. அதில் பலரும் கலந்துகொண்டார்கள்.

நோ பரிசு: அந்த விழாவில் ஹீரோ விஷ்ணு விஷாலுக்கு தயாரிபாளர் ஐசரி கணேஷ், பிஎம்டபிள்யூ சொகுசு காரை பரிசாக வழங்கினார். அதேபோல் இயக்குநர்கள் செல்லா அய்யாவுக்கு பத்து சவரனில் செயினும், பிரேஸ்லெடும் அணிவித்தார். சூழல் இப்படி இருக்க; இந்த பரிசு கொடுத்த விவகாரத்தில் புதிய விவாதம் ஒன்று கிளம்பியிருக்கிறது. அதாவது, 'கட்டா குஸ்தி முதல் பாகம், இரண்டாம் பாகத்தில் மெயின் கேரக்டரே ஐஸ்வர்யா லட்சுமிதான்.

தமிழ் சினிமாவில் மொத்த படத்தையும் ஹீரோயின் ஒருவர் தன் தோளில் சுமந்து சென்று வெற்றி பெற வைப்பது அபூர்வமாகத்தான் நடக்கும். அதனை ஐஸ்வர்யா அசால்ட்டாக செய்திருக்கிறார். ஆனால் வெற்றிக்கும், படத்துக்கும் மிக முக்கிய காரணங்களில் ஒருவரான அவருக்கு தயாரிப்பாளர் பெரிய அளவில் பரிசு கொடுக்காமல் சில்வர் காயினோடு நிறுத்திக்கொண்டார். இப்படி செய்வது எந்தவிதத்தில் நியாயம் என்று கேள்விகள் எழுந்திருக்கின்றன.