எப்படி இருந்த நான்.. இப்படி ஆகிட்டேன்.. ’பறந்து போ’ நடிகையை பார்த்தீங்களா?.. கலக்கும் கிரேஸ் ஆண்டனி!

சென்னை: மலையாளத்தில் மம்மூட்டிக்கே ரோர்ஷா படத்தில் விரலை விட்டு ஆட்டும் அளவுக்கு நடித்து ஒட்டுமொத்த கேரள ரசிகர்களை மட்டுமின்றி தென்னிந்திய ரசிகர்களின் கவனத்தையே கவர்ந்தவர் தான் கிரேஸ் ஆண்டனி.

ஹேப்பி வெட்டிங் படத்தின் மூலம் மலையாளத்தில் அறிமுகமான கிரேஸ் ஆண்டனி கும்பலாங்கி நைட்ஸ் படத்தின் மூலமே மலையாள ரசிகர்களின் ஃபேவரைட் நடிகையாக மாறினார்.

பருமனை குறைத்த பறந்து போ நடிகை: மலையாளத்தில் அடுத்த ஊர்வசி என சொல்லும் அளவுக்கு தனது நடிப்பால் அசத்தி வரும் கிரேஸ் ஆண்டனி தமிழில் பறந்து போ என்கிற ஒரே ஒரு படத்தில் மட்டும் இதுவரை நடித்துள்ளார். இந்த ஆண்டு மம்மூட்டி, மோகன்லால் நடித்து வெளியான பேட்ரியாட் படத்திலும் இவர் நடித்திருந்தார். கடந்த ஆண்டு அபி டாம் சிரியாக் என்பவரை திருமணம் செய்த நிலையில், திருமணத்துக்குப் பிறகு சீராக தனது உடல் எடையை அதிரடியாக குறைத்து வருவது குறிப்பிடத்தக்கது.

நெவர் ஸ்டாப் டிரையிங்: தனது பழைய பருமனாக உள்ள போட்டோவையும் தற்போது ஸ்லிம்மாக மாறியுள்ள போட்டோவையும் கம்பேர் செய்து போட்டு Never Stop Trying என கேப்ஷன் கொடுத்துள்ளார் நடிகை கிரேஸ் ஆண்டனி. யாராக இருந்தாலும், தங்கள் உடல் ஆரோக்கியத்துக்கு முதலில் முக்கியத்துவம் கொடுக்க வேண்டும் என்றும் கிரேஸ் ஆண்டனியின் இந்த டிரான்ஸ்ஃபர்மேஷன் பலருக்கும் ஊக்கத்தை அளிக்கும் என ரசிகர்கள் பாராட்டி வருகின்றனர்.