கர்ப்ப கால சந்தோஷத்தில் சமந்தா.. கணவருடன் கோயிலில் சாமி தரிசனம்.. வைரலாகும் அழகிய புகைப்படம்

சில வாரங்களுக்கு முன்பு, கர்ப்ப காலத்தை கொண்டாடும் விதமாக இருவரும் தாய்லாந்துக்கு பேபிமூன் சுற்றுலா சென்றிருந்தனர். கடற்கரை, அழகிய ரிசார்ட்கள், சூரிய அஸ்தமன காட்சிகள் என இருவரும் ஒன்றாக செலவிட்ட ரொமான்டிக் தருணங்களின் புகைப்படங்களை ராஜ் நிடிமோரு தனது இன்ஸ்டாகிராம் பக்கத்தில் பகிர்ந்திருந்தார். அந்த புகைப்படங்கள் வெளியாகியதும், "நீண்ட நாட்களுக்குப் பிறகு சமந்தாவை இவ்வளவு சந்தோஷமாக பார்க்கிறோம்" என்று ரசிகர்கள் கமெண்ட் செய்து வைரலாக்கினர். பேபிமூன் ட்ரிப் தொடர்பான அந்த செய்தியும் இணையத்தில் பல நாட்கள் பேசுபொருளாக இருந்தது.

கோயில் தரிசனம்: தற்போது வெளியாகியுள்ள புகைப்படத்தில், இளஞ்சிவப்பு நிற காட்டன் சேலையில் மிகவும் எளிமையாக காட்சியளிக்கும் சமந்தா, கருவறை முன்பு நின்றபடி கேமராவை பார்த்து சிரிக்கிறார். அருகில் வெள்ளை சட்டையில் ராஜ் நிடிமோரு சாமி தரிசனம் செய்து கொண்டிருக்கிறார்.

ரசிகர்கள் வாழ்த்து: இந்த புகைப்படங்களை பார்த்த ரசிகர்கள், "அம்மாவாகப் போகும் சமந்தாவுக்கு மனமார்ந்த வாழ்த்துகள்", "இருவரும் இப்படியே சந்தோஷமாக இருக்கணும்", "இந்த புன்னகை எப்போதும் மாறக்கூடாது" என்று சமூக வலைதளங்களில் தொடர்ந்து வாழ்த்துகளை தெரிவித்து வருகின்றனர்.