6 ஆண்கள்.. 6 பெண்கள்.. ஒரே வீட்டில்.. இந்த மோசமான நிகழ்ச்சியை நிறுத்துங்க.. பொங்கி எழுந்த பயில்வான்!

சென்னை: வித்தியாசமான ரியாலிட்டி ஷோக்களை நடத்துவதில் முன்னணியில் இருக்கும் விஜய் தொலைக்காட்சி, தற்போது 'செகண்ட் லவ்' என்ற புதிய நிகழ்ச்சியைக் கையில் எடுத்துள்ளது. காதல் பிரேக்-அப்பான 6 ஆண்கள் மற்றும் 6 பெண்கள் என மொத்தம் 12 பேரை ஒரே வீட்டிற்குள் தங்க வைத்து, அவர்களுக்குள் மீண்டும் காதலைத் துளிர்க்க வைப்பதே இந்த நிகழ்ச்சியின் நோக்கம். நடிகை ரம்யா கிருஷ்ணன் இந்நிகழ்ச்சிக்கு நடுவராக இருக்கும், இந்த நிகழ்ச்சியின் புரோமோ வெளியானதில் இருந்தே நெட்டிசன்கள் மற்றும் சமூக ஆர்வலர்கள் மத்தியில் கடுமையான விமர்சனங்கள் எழுந்து வருகின்றன.

கொந்தளித்த பயில்வான்: இந்த நிகழ்ச்சி குறித்துப் பேசிய சினிமா விமர்சகர் பயில்வான் ரங்கநாதன், அந்தச் சேனல் இது போன்ற மோசமான ஒரு நிகழ்ச்சியை ஒருபோதும் ஒளிபரப்பக் கூடாது. இந்த நிகழ்ச்சியால் சமுதாயத்திற்கு என்ன பெரிதாக நன்மை நடந்துவிடப் போகிறது? இந்த நிகழ்ச்சியை குடும்பத்தோடு அனைவரும் ஒன்றாக அமர்ந்து பார்க்க முடியுமா? தேவையே இல்லாமல் அந்தத் தொலைக்காட்சி 'செகண்ட் லவ்' என்ற பெயரில் இப்படியொரு நிகழ்ச்சியை ஆரம்பிக்கிறது. உண்மையில் காதலில் தோற்று நொந்து போனவன் எவனாவது போய் இந்த நிகழ்ச்சியில் கலந்து கொள்வானா? அப்படிப் பார்க்கும்போது இது எல்லாமே வெறும் செட்டப் தான்.