வாட்டர் மெலன் ஸ்டார் திவாகர் கைது.. என்ன ஆனது?.. இத்தனை பிரிவுகளில் வழக்கா?

பாதியில் எவிக்ட்: முதல் ஆளாக சென்ற அவர்; சில வாரங்களிலேயே எவிக்ட் செய்யப்பட்டார். குறிப்பாக, கடந்த சீசனில் தொகுப்பாளர் விஜய் சேதுபதியை பாடாய் படுத்திய போட்டியாளர்களில் இவரும் ஒருவர் என்பது குறிப்பிடத்தக்கது. ஏகப்பட்ட அட்வைஸ்களை சேது சொல்லியும்; திவாகர் கேட்கவில்லை.மேலும் கானா வினோத்தும் கடுமையாக கலாய்த்தார். இவரும் சும்மா இருக்காமல் திவ்யா கணேஷிடம் வழிந்தது, பாருவுடன் முதலில் சண்டை போட்டுவிட்டு; பிறகு தங்கையென சொல்லி உருகியது, அரைகுறை ஆடைகளில் அலைவது என இல்லாத சேட்டைகள் செய்தார். ஒருகட்டத்தில் பாதியிலேயே எவிக்ட் ஆகிவிட்டார்.

தொடர்ந்து சர்ச்சைகள்: நிகழ்ச்சியிலிருந்து வெளியே வந்த அவர் சில படங்களில் தலை காண்பித்தார். அதனையடுத்து குக் வித் கோமாளி நிகழ்ச்சியில் பங்கேற்றார். அங்கேயும் சில பிரச்னைகளை கிளப்ப; பஞ்சாயத்து போலீஸ் ஸ்டேஷன் வரை வந்தது. அந்த செட்டில் இருந்த ஒருவர்கூட திவாகர் பக்கம் நியாயம் இருப்பதாக சொல்லவில்லை. அறந்தாங்கி நிஷா உள்ளிட்டோர் எல்லாம் அவரை கழுவி கழுவி ஊற்றினார்கள்.

அடுத்த பிரச்னை: ஒருவழியாக அந்தப் பிரச்னையின் சூடு தணிந்தது. ஆனால் அடங்கி இருக்காமல் இன்னொரு யூடியூப் சேனலுக்கு பேட்டியளிக்க சென்றபோது அங்கேயும் பஞ்சாயத்தை கூட்டினார். தன்னை அடைத்து வைத்து தாக்குகிறார்கள் என்று வீடியோவை வெளியிட்டு; காவல் துறையிலும் புகார் அளித்தார். இதை பார்த்த நெட்டிசன்களோ, இவருக்கு வேறு வேலையே இல்லையா; சோஷியல் மீடியா மூலம் பிரபலமான அனைவரையும் இவர் அசிங்கப்படுத்துகிறார் என்று ரவுண்டு கட்டி அடித்தார்கள்.

கைதான திவாகர்: இந்நிலையில் வாட்டர் மெலன் ஸ்டார் திவாகர் கைது செய்யப்பட்டிருக்கிறார். யூடியூப் சேனல் ஊழியரை மிரட்டி ஒரு லட்சம் ரூபாய் கேட்டதாக அளிக்கப்பட்ட புகாரில்; மொத்தம் இரண்டு பிரிவுகளின் கீழ் வழக்குப்பதிவு செய்யப்பட்டு கைது செய்யப்பட்டிருக்கிறார் என்று கீழ்ப்பாக்கம் காவல் துறையினர் கூறியிருக்கிறார்கள். இந்தக் கைதை கேள்விப்பட்ட பலரும், இவருக்கு இதெல்லாம் வேண்டும்தான் என கொட்டி தீர்க்கிறார்கள்.