ஒளிப்பதிவாளர் செழியன் மரணம்.. திரைத்துறையில் பேரதிர்ச்சி.. தொடர்ந்து இழப்பா நடக்குதே

பாலாவின் பரதேசி: அந்தவகையில் இயக்குநர் சிகரமும், இயக்குநர் இமயமும் சேர்ந்து நடித்த ரெட்டைச்சுழி திரைப்படத்துக்கு ஒளிப்பதிவாளராக பணியாற்றினார். அதையடுத்து பரதேசி, தாரை தப்பட்டை, ஜோக்கர் உள்ளிட்ட படங்களில் வேலை செய்தார். குறிப்பாக, பரதேசி திரைப்படத்தின் வெற்றிக்கு செழியனின் ஒளிப்பதிவும் முக்கியமான காரணம் என்று இயக்குநர் பாலாவும் கூறியிருந்தது குறிப்பிடத்தக்கது.

இயக்குநர் செழியன்: இதற்கிடையே சினிமாவுக்கு மட்டுமின்றி ஆவண படங்களுக்கும் கேமரா ஒர்க் செய்தார். மறைந்த குடியரசு தலைவர் ஏபிஜே அப்துல் கலாம், எழுத்தாளர் ஜெயகாந்தன் ஆகியோரின் டாக்குமெண்ட்டரி படங்களுக்கு சூப்பரான ஒளிப்பதிவை கொடுத்திருந்தார் என்பது குறிப்பிடத்தக்கது. மேலும் டூலெட் என்ற திரைப்படத்தையும் இயக்கியிருக்கிறார். அது வணிக ரீதியாக தோல்வியடைந்தாலும், விமர்சன ரீதியாக கொண்டாடப்பட்டது.

செழியனின் பள்ளி: சினிமாவில் இயக்கம், ஒளிப்பதிவு தாண்டி இன்னொரு ஆரோக்கியமான விஷயத்தையும் அவர் செய்திருக்கிறார். அதாவது, அவர் தனியாக ஒரு திரைப்பட பள்ளியையும் வைத்திருக்கிறார். அதில் படித்த 34 மாணவர்களை சில மாதங்களுக்கு முன்புதான் சுயாதீன திரைப்பட இயக்குநர்களாக அறிமுகம் செய்து வைத்து பாராட்டை பெற்றார்.

உயிரிழந்த செழியன்: இந்நிலையில் யாருமே எதிர்பார்க்காத வகையில் செழியன் இன்று காலை உயிரிழந்தார். அவரது உயிரிழப்புக்கான காரணங்கள் இனிமேல் தெரியவரும் என தெரிகிறது. அவரது உடல் பொதுமக்களின் அஞ்சலிக்காக; நாம் தமிழர் கட்சியின் தலைமை அலுவலகமான இராவணன் குடிலில் வைக்கப்படவிருக்கிறது. அவரது உயிரிழப்பு சினிமா துறையினரையும், ரசிகர்களையும் சோகத்தில் ஆழ்த்தியிருக்கிறது.