Jana Nayagan Public Review: கண்ணீரோடு வெளியே வந்த ரசிகர்கள்.. ஜன நாயகன் பப்ளிக் விமர்சனம்

சென்னை: முதலமைச்சர் விஜய் நடித்து வெளியாகி உள்ள படம் ஜன நாயகன். படத்தை கே.வி.என் நிறுவனம் தயாரிக்க, ஹெச். வினோத் இயக்கி உள்ளார். படத்தில் பூஜா ஹெக்டே, மமிதா பைஜு, பிரகாஷ் ராஜ், பாபி தியோல் உள்ளிட்ட பலரும் நடித்துள்ளனர். படத்திற்கு அனிருத் இசையமைத்துள்ளார். இப்படி இருக்கையில் படத்தை பார்த்த ரசிகர்கள் படம் எப்படி உள்ளது என்று தெரிவித்துள்ளனர்.

படம் பார்த்த ரசிகர் ஒருவரோ, படம் நன்றாக உள்ளது, இனிமேல் இப்படி ஒரு சம்பவம் வாழ்க்கையில் நடக்கப்போவது இல்லை என்ற வலியைத் தாங்கிக் கொள்ள முடியவில்லை. எனது அப்பா, அம்மாவை விட தளபதியை தான் அதிகம் பிடிக்கும். அவரைப் பார்த்து தான் வளர்ந்தேன் என்று மிகவும் எமோஷனலாக அழுது கொண்டே பேசினார். அதுவும் இவர் படம் நன்றாக உள்ளது, நாங்கள் எதிர்பார்த்த அனைத்துமே படத்தில் இருந்தது. தளபதி எங்களுக்காவே இந்த படத்தில் நடித்துள்ளார். கிளைமாக்ஸ் முடிந்து அவரது படங்களின் கிளிப்களை பார்க்கும் போது அழுகையை கட்டுப்படுத்த முடியவில்லை" என்று தெரிவித்தார்.

பாக்ஸ் ஆபீஸ்: மற்றொரு ரசிகர் கூறும்போது படம் நன்றாக உள்ளது, ஏற்கனவே படம் இணையத்தில் லீக் ஆகி இருந்தாலும், தயாரிப்பாளருக்கு படம் கட்டாயம் லாபம் கொடுக்கும். படம் பாக்ஸ் ஆபீஸிலும் சம்பவம் செய்யும். படத்தை அனைவரும் பார்க்க வேண்டும். அந்த அளவுக்கு படத்தில் மக்களுக்கு கருத்து சொல்லப்பட்டுள்ளது" என்று தெரிவித்துள்ளார்.