சீரியலில் கர்ப்பிணி..நிஜத்தில் அல்ட்ரா மாடல்.. நாற்காலியில் அமர்ந்து போஸ் கொடுத்த எதிர்நீச்சல் நடிகை

சென்னை: சன் தொலைக்காட்சியின் திங்கள் முதல் ஞாயிறு வரை இரவு 10 மணிக்கு ஒளிபரப்பாகி வரும் மெகா ஹிட் சீரியல் எதிர்நீச்சல் தொடர்கிறது. இல்லத்தரசிகளுக்கு மிகவும் பிடித்தமான சீரியல்களில் ஒன்றயாக இத்தொடர் உள்ளது. இதில், முதன்மை கதாபாத்திரத்தில் 'ஜனனி' என்ற கெத்தான ரோலில் நடித்து வரும் நடிகை பார்வதி, தற்போது வெளியிட்டுள்ள மாடர்ன் புகைப்படங்கள் இணையத்தைக் கலக்கி வருகின்றன. சீரியலில் எப்போதும் சேலையிலும் குடும்பப் பெண்ணாகவும் பார்க்கும் ரசிகர்கள், இவரின் இந்த ஸ்டைலிஷ் அவதாரத்தைப் பார்த்து சொக்கிப் போய் வீழ்ந்துள்ளனர்.

எதிர்நீச்சல் தொடர்கிறது: நான்கு மருமகள்களின் உரிமையையும் வாழ்க்கையையும் மையமாகக் கொண்டு உருவாகி, முதல் பாகத்தின் பிரம்மாண்ட வெற்றியைத் தொடர்ந்து, தற்போது இரண்டாவது பாகம் எதிர்நீச்சல் தொடர்கிறது என விறுவிறுப்பாக ஓடிக்கொண்டிருக்கிறது. பெண்களை வீட்டிற்குள் அடக்கி ஆள நினைக்கும் ஆணாதிக்கக் குணசேகரனை எதிர்த்தும், அக்குடும்பத்தையே அழிக்கத் துடிக்கும் புது எதிரியான ராவணனிடம் இருந்தும் குடும்பத்தைக் காப்பாற்றப் போராடும் 'ஜனனி' கதாபாத்திரத்தில் மிக அழுத்தமான நடிப்பை வெளிப்படுத்தி வருகிறார் பார்வதி. தற்போது சீரியலில் கர்ப்பமாக இருக்கும் சூழலிலும், குடும்பப் பிரச்சனைகளைத் துணிச்சலாக எதிர்கொண்டு வருவது போல சீரியலின் கதைக்களம் செல்கிறது.