Click it and Unblock the Notifications
டோக்கியோ சர்வதேச திரைப்பட விழாவில் எந்திரனுக்கு விருது!
Winds of Asia-Middle East என்ற பிரிவில் இந்த விருதினை எந்திரன் பெற்றுள்ளது. எந்திரனுடன் தி மிர்ரர் நெவர் லைஸ், சுனாமி ஆகிய படங்களும் இந்தப் பிரிவில் விருது வென்றன.
அதே நேரம், இந்த விழாவில் இரு தினங்கள் எந்திரன் திரையிடப்பட்டது. அந்த இரு தினங்களுமே எந்திரனுக்கு டிக்கெட்டுகள் விற்றுத் தீர்ந்து, தியேட்டர் ஹவுஸ் புல்லாகிவிட்டது குறிப்பிடத்தக்கது.
ஜப்பானைப் பொறுத்தவரை ரஜினிதான் அங்கும் சூப்பர் ஸ்டார். அவர்கள் முத்துவின் சூப்பர் ஸ்டார் என்றே அவரை அழைக்கிறார்கள். அந்த அளவு பரிச்சயமானவர் ரஜினி.
ரூ 5 லட்சம் ரொக்கப் பரிசு!
இந்த விழாவில் 12 பிரிவுகளில் விருதுகள் வழங்கப்பட்டன. அவற்றில் ஒரு பிரிவுதான் மத்திய கிழக்கு ஆசிய சினிமாவுக்கான Winds of Asia-Middle East சிறப்பு விருது. இதில் விருது வென்ற படத்துக்கு ரூ 5 லட்சம் பரிசும் ஷீல்டும் வழங்கப்படும். எந்திரனுக்கும் இந்த பரிசு வழங்கப்பட்டது.
இந்த விழா கடந்த அக்டோபர் 23 முதல் 30 வரை டோக்கியோ நகரில் நடந்தது. பல்வேறு நாடுகளைச் சேர்ந்த 127 படங்கள் திரையிடப்பட்டன. யுனி ஜப்பான், ஜப்பான் நாட்டு தொழில் - வர்த்தகத் துறை மற்றும் டோக்கியோ மெட்ரோபாலிடன் அரசு இணைந்து இந்த விழாவை நடத்தின.
Continue with Google