Don't Miss!
- News ‛‛குழந்தைகளை தண்டிக்க கூடாது’’.. NCPCR ரூல்ஸ்ஸை அமல்படுத்த பள்ளி கல்வித்துறைக்கு ஐகோர்ட் உத்தரவு
- Automobiles இன்னிக்கு அறிமுகமான இந்த கார் பத்தி நீங்க கட்டாயம் தெரிந்து கொள்ள வேண்டிய 5 விஷயம் இதுதான்!
- Lifestyle Kulfi: 4 பிரட்டும், 1 பால் பாக்கெட்டும் வெச்சு ஈஸியா குல்பி செய்யலாம் தெரியுமா? எப்படின்னு பாருங்க...
- Technology ஆளுக்கு 1 ஆர்டர்.. ரூ.12,498 போதும்.. 50MP செல்பி கேமரா.. OZO ஆடியோ.. அறிமுகமானது HMD போன்கள்.. எந்த மாடல்?
- Finance ஹார்லிக்ஸ் இனி ஹெல்த் ட்ரிங்க் இல்ல.. மத்திய அரசு அதிரடி அறிவிப்பு!
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
- Travel மதுரை கள்ளழகர் திருவிழாவைப் போன்றே மற்ற இடங்களில் நடக்கும் ‘அழகர் திருவிழாக்கள்’ பற்றி தெரியுமா உங்களுக்கு?
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
ரஷ்யாவில் தமிழ் திரைப்பட விழா: எந்திரன் உள்பட 11 படங்கள் தேர்வு
உலகெங்கிலும் தமிழ் திரைப்படங்களுக்கு வரவேற்பு அதிகரிக்க ஆரம்பித்துள்ளது. கனடா, நார்வே உள்ளிட்ட நாடுகளைத் தொடர்ந்து ரஷ்யாவிலும் தமிழ் திரைப்படங்கள் மட்டுமே பங்கு பெறும் திரைப்பட விழா நடக்கிறது.
வரும் ஆகஸ்ட் 15 முதல் 17ம் தேதி வரை மூன்று நாட்கள் ரஷ்யாவில் உள்ள உக்ளிச் நகரில் நடைபெற இருக்கும் இந்த தமிழ் திரைப்பட விழாவில், 'எந்திரன்", 'சிங்கம்", 'அங்காடிதெரு", 'பாஸ் என்கிற பாஸ்கரன்", 'களவாணி", 'மதராச பட்டினம்", 'மைனா", 'நந்தலாலா", 'பையா", 'தென்மேற்கு பருவக்காற்று", 'விண்ணைத் தாண்டி வருவாயா" உள்ளிட்ட 11 தமிழ் படங்கள் ரஷ்ய மொழியில் சப்-டைட்டில் போடப்பட்டு அங்குள்ள திரையரங்குகளில் திரையிடப்பட உள்ளன. இதில் ஏராளமான சினிமா கலைஞர்களும் பங்கேற்க உள்ளனர்.
இதுதொடர்பாக சென்னை ரஷ்ய கலாச்சார மையத்தில் நடைபெற்ற பத்திரிகையாளர் சந்திப்பில், இந்தியாவுக்கான ரஷ்ய தூதரக அதிகாரிகள் மற்றும் தமிழ் திரையுலக பிரபலங்கள் கலந்து கொண்டனர்.
நடிகரும், எம்.எல்.ஏ.,வுமான அருண் பாண்டியனும் சிறப்பு விருந்தினராக கலந்து கொண்டார்.
"தமிழ் திரைப்படங்கள் தயாரிக்க தேவையான படப்பிடிப்பு இடங்களும், ஸ்டுடியோக்களும் ரஷ்யாவில் நிறைய உள்ளன. படப்பிடிப்பு தளங்களுக்கு எந்தவித கட்டணமும் கிடையாது, தங்கும் விடுதிகளில் 40 சதவீதம் வரை தள்ளுபடி உண்டு.
இந்த வசதியை தயாரிப்பாளர்கள் பயன்படுத்திக் கொள்ளலாம். விரைவில் அனைத்து தமிழ் படங்களும் ரஷ்ய மொழியில் மொழிமாற்றம் செய்ய ரஷ்ய கலாசார மையம் உதவியாக இருக்கும்," என்றார் அருண்பாண்டியன்.