சிறந்த படம் - 12 இயர்ஸ் ஸ்லேவ், சிறந்த நடிகர் - மேத்யூ மெக்கனாஹே, நடிகை- கேட் ப்ளாஞ்செட்!

சிறந்த படம்

2013-ம் ஆண்டின் சிறந்த படத்துக்கான விருதினை 12 இயர்ஸ் ஸ்லேவ் படம் வென்றது. கடைசி நிமிடம் வரையில் சிறந்த படத்துக்கான விருது கிரேவிட்டிக்கா, 12 இயர்ஸ் ஸ்லேவுக்கா என்பதில் கடும் போட்டி நிலவியது.

ஸ்டீவ் மெக்குயீன் இயக்கிய இந்தப் படம் ஏற்கெனவே கோல்டன் குளோப் விருது வென்றது. இந்தப் படத்தின் தயாரிப்பாளர்களில் நடிகர் பிராட் பிட்டும் ஒருவர் என்பது குறிப்பிடத்தக்கது.

சிறந்த நடிகர்

சிறந்த நடிகருக்கான விருது டல்லஸ் பையர்ஸ் க்ளப் படத்திலர் நடித்ததற்காக மேத்யூ மெக்கனாஹேவுக்குக் கிடைத்தது.

சிறந்த நடிகை

சிறந்த நடிகையாக கேட் ப்ளாஞ்செட் தேர்வு செய்யப்பட்டார். ப்ளூ ஜாஸ்மின் படத்துக்காக இந்த விருதினை அவர் வென்றார்.

சிறந்த இசை - பாடல்

சிறந்த ஒரிஜினல் இசைக்கான விருது கிரேவிட்டி படத்துக்குக் கிடைத்தது. சிறந்த ஒரிஜினல் பாடலுக்கான விருது ப்ரோசன் படத்தில் இடம்பெற்ற லெட் இட் கோ பாடலுக்கு தரப்பட்டது.

குறும்படங்கள்

சிறந்த அனிமேஷன் குறும்படத்துக்கான விருது மிஸ்டர் ஹப்ளாப் படத்துக்கும், சிறந்த ஆக்ஷன் குறும்பட விருது ஹீலியம் படத்துக்கும் வழங்கப்பட்டது.