Don't Miss!
- Automobiles சாதாரணமாவே இந்த மாருதி காரை வீட்டுக்கு மளிகை சாமான் வாங்குற மாதிரி வாங்கிட்டு இருக்காங்க.. இதுல இது வேறையா!
- Lifestyle Today Rasi Palan 20 April 2024: இன்று இந்த ராசிக்காரர்கள் பண விஷயத்தில் யோசித்து முடிவெடுப்பது நல்லது...
- News தென் சென்னையில் கள்ள ஓட்டு? பாஜக திமுக மாறி மாறி புகார்.. பெரும் பதற்றம்! என்ன நடக்கிறது
- Sports CSK vs LSG : தோனி பேட்டிங்.. அலறிய வாட்ச்.. பதறிய டி காக் மனைவி.. ரசிகர்கள் செயலால் நடந்த சம்பவம்
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
National Awards: அதிகபட்சமாக 5 விருதுகளை அள்ளிய கன்னட படம்
சென்னை: யுரி தாக்குதலை மையமாக வைத்து எடுக்கப்பட்ட யுரி: தி சர்ஜிக்கல் ஸ்ட்ரைக் படம் 4 தேசிய விருதுகளை பெற்றுள்ளது. நத்திசராமி என்கிற கன்னட படம் அதிகபட்சமாக 5 விருதுகளை பெற்றுள்ளது.
66வது தேசிய விருதுகள் இன்று அறிவிக்கப்பட்டுள்ளது. தமிழில் பாரம் படத்திற்கு மட்டுமே தேசிய விருது கிடைத்துள்ளது. பெரிதும் எதிர்பார்க்கப்பட்ட தமிழ் படங்களுக்கோ, நடிகர், நடிகைகளுக்கோ விருது எதுவும் கிடைக்கவில்லை.
யுரி தாக்குதலுக்கு இந்திய ராணுவம் பதிலடி கொடுத்து நடத்திய சர்ஜிக்கல் ஸ்டிரைக்கை மையமாக வைத்து எடுக்கப்பட்ட யுரி: தி சர்ஜிக்கல் ஸ்டிரைக் படத்திற்கு 4 விருதுகள் கிடைத்துள்ளது.
யுரி படத்திற்கு சிறந்த சவுண்டு டிசைன், சிறந்த பிஜிஎம் ஆகிய பிரிவுகளில் விருது கிடைத்துள்ளது. மேலும் சிறந்த இயக்கத்திற்கான விருதை யுரி இயக்குநர் ஆத்தியா தர் பெறுகிறார். சிறந்த நடிகருக்கான விருது யுரி பட ஹீரோ விக்கி கவுஷலுக்கு கிடைத்துள்ளது.
தேசிய விருதுகளை குவித்த பத்மாவத்.. அத்தனை போராட்டம் பண்ணீங்களே.. பாத்தீங்களா!
சிறந்த நடிகருக்கான விருதை விக்கி கவுஷலுடன் சேர்ந்து அந்தாதுன் படத்தில் சிறப்பாக நடித்ததற்காக ஆயுஷ்மான் குரானாவும் பெறுகிறார்.
யுரியை அடுத்து அந்தாதுன், பத்மாவத் மற்றும் மகாநதி ஆகிய படங்களுக்கு தலா 3 விருதுகள் கிடைத்துள்ளன. மகாநதி படத்தில் நடிகையர் திலகம் சாவித்ரி கணேசனாகவே வாழ்ந்த கீர்த்தி சுரேஷுக்கு சிறந்த நடிகைக்கான விருது கிடைத்துள்ளது. சிறந்த தெலுங்கு படம், சிறந்த காஸ்ட்யூம் டிசைனர் ஆகிய பிரிவுகளிலும் மகாநதிக்கு விருது கிடைத்துள்ளது.
யஷ் நடிப்பில் வெளியான கே.ஜி.எப். படத்திற்கு சிறந்த ஆக்ஷன், சிறந்த ஸ்பெஷல் எஃபெக்ட்ஸ் ஆகிய பிரிவுகளில் விருது கிடைத்துள்ளது. கன்னட திரையுலகினராலும் பிரமாண்ட படத்தை எடுக்க முடியும் என்று நிரூபித்து அனைவரையும் வியக்க வைத்த படம் ஜே.ஜி.எஃப்.. தற்போது அந்த படத்தின் இரண்டாம் பாகம் எடுக்கப்பட்டு வருகிறது என்பது குறிப்பிடத்தக்கது.
நத்திசராமி என்கிற கன்னட படம் தான் அதிகபட்சமாக 5 விருதுகளை அள்ளியுள்ளது. சிறந்த பாடகி, பாடல், எடிட்டிங், சிறந்த கன்னட படம், நத்திசராமி நடிகை ஸ்ருதி ஹரிஹரனுக்கு ஸ்பெஷல் மென்ஷன் என்று அனைவரையும் திரும்பிப் பார்க்க வைத்துள்ளது அந்த படம்.