Don't Miss!
- News ரூ 4 கோடிக்கும் எனக்கும் சம்பந்தமே இல்லை.. மே 2ல் காவல் துறையில் ஆஜராவேன்.. நயினார் நாகேந்திரன்
- Sports தமிழக வீரரால் நடந்த மாற்றம்.. குஜராத் அணிக்கு ஆப்பு வைத்த சுப்மன் கில்.. ஆட்டத்தை மாற்றிய ஒரு முடிவு
- Lifestyle 12 ஆண்டுகளுக்கு பின் நிகழும் குரு சுக்கிர சேர்க்கை: மே மாசம் இந்த 3 ராசிக்கு தொழில் பிரகாசிக்கப் போகுது..
- Finance ஆதார் அட்டை தொலைஞ்சி போயிடுச்சா.. கவலை வேண்டாம்.. இதை மட்டும் பாலோ பண்ணுங்க..!
- Technology மினிமம் பேலன்ஸ் விதிகள்.. மே.1 முதல் அமல்.. உங்க அக்கவுண்ட்டில் ரூ.5000 வேண்டும்.. எந்த வங்கிக்கு எவ்வளவு?
- Automobiles அன்-ரிசர்வ் இரயில் பெட்டியை எல்லாம் அகற்ற வேண்டிய நேரம் வரும்!! பிரதமர் உறுதியா கூறியிருக்காரு!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
வேட்டி கட்டிய தமிழன் நான்... தேசிய விருது பெற்ற விஜய் சேதுபதி... ஹாப்பி அண்ணாச்சி!
சென்னை : 67வது தேசிய திரைப்பட விருதுகள் வழங்கும் விழா டெல்லியில் நடைபெற்றது.
இதில் சிறந்த துணை நடிகருக்கான தேசிய விருதை நடிகர் விஜய் சேதுபதி பெற்றுள்ளார்.
இந்த வார நாமினேஷன் ப்ராசஸ்… பிக் பாஸ் வைத்த ட்விஸ்ட்… யார்… யாரை பழிதீர்க்க போறாங்களோ!
குடியரசு துணை தலைவர் வெங்கய்ய நாயுடுவிடம் இருந்து அவர் இந்த விருதினை பெற்றுள்ளார். பாரம்பரிய முறைப்படி வேட்டி சட்டையில் அவர் இந்த விருதினை பெற்றுக் கொண்டார்.
நடிகர் விஜய் சேதுபதி
நடிகர் விஜய் சேதுபதி தமிழ் திரைப்படத்துறையில் தவிர்க்க முடியாத சிறப்பான நடிகராக விளங்கி வருகிறார். தன்னுடைய கேரக்டர்களுக்கு முக்கியத்துவம் கொடுத்து இவர் கதாபாத்திரங்களை தேர்வு செய்து நடித்து வருகிறார். ஹீரோ என்ற ஒரு வட்டத்திற்குள் சிக்கிக் கொள்ளாமல் பல வித்தியாசமான கேரக்டர்களில் நடிப்பதை வாடிக்கையாக கொண்டிருக்கிறார்.
வித்தியாசமான கேரக்டர்கள்
ஒரு படத்தில் ஹீரோவாக பார்த்தால், அடுத்த படத்தில் வில்லனாகவும், தாத்தாவாகவும், விவசாயியாகவும், போராளியாகவும் பல கெட்டப்புகளில் இவரை பார்க்க முடிகிறது. இந்நிலையில் சூப்பர்டீலக்ஸ் படத்தில் திருநங்கையாகவும் நடித்து சிறப்பான வரவேற்பை பெற்றார்.
சிறந்த துணை நடிகர்
இந்தப் படத்திற்காக தற்போது அவருக்கு சிறந்த துணை நடிகருக்கான தேசிய விருது வழங்கப்பட்டுள்ளது. இன்றைய தினம் டெல்லியில் நடைபெற்ற விருது வழங்கும் விழாவில் குடியரசு துணை தலைவர் வெங்கய்ய நாயுடுவிடம் இருந்து விஜய் சேதுபதி இந்த விருதினை பெற்றுக் கொண்டார். விஜய் சேதுபதி மற்றும் தனுஷ் இருவரும் வேஷ்டி சட்டையில் இந்த விருதினை பெற்றுக் கொண்டனர்.
Recommended Video
வேட்டி சட்டையில் பங்கேற்பு
தமிழகத்தின் கலாச்சாரத்தை மற்ற மாநிலங்களிலும் நிரூபிக்கும் வகையில் இவர்கள் இருவரும் வேட்டி சட்டையில் விழாவில் கலந்து கொண்டது விழாவில் பங்கேற்றவர்களை மட்டுமின்றி விழாவை தொலைக்காட்சியில் கண்டுகளித்த ரசிகர்களுக்கும் உற்சாகத்தை வழங்கியது.
விஜய் சேதுபதி மகிழ்ச்சி
முன்னதாக இந்த விருது பெறுவது மகிழ்ச்சி அளிப்பதாக தெரிவித்த விஜய் சேதுபதி, எதிர்பார்ப்பு இல்லாமல் சூப்பர் டீலக்ஸ் படத்தில் நடித்ததாக கூறியுள்ளார். இயக்குநர் தியாகராஜ குமாரராஜாவை மட்டுமே நம்பி ஷில்பா என்ற அந்த கேரக்டரில் நடித்ததாகவும் அவர் குறிப்பிட்டுள்ளார்.
சூப்பர் டீலக்ஸ் படம்
கடந்த 2019ல் வெளியான சூப்பர் டீலக்ஸ் படத்தில் திருநங்கையாக நடித்திருந்தார் விஜய் சேதுபதி. வெளிநாட்டிற்கு சென்று திருநங்கையாக மாறி வருகிறார் விஜய் சேதுபதி. இதையடுத்து இவரை இந்த சமூகம் எவ்வாறு பந்தாடுகிறது என்பது குறித்த படமாக சூப்பர் டீலக்ஸ் வெளிவந்திருந்தது.
திருநங்கை வேடம்
இதில் சிறப்பான நடிப்பை வெளிப்படுத்தியிருந்தார் விஜய் சேதுபதி. அவருக்கு அந்த வேடம் கச்சிதமாக பொருந்தியிருந்தது. படத்தில் மூன்று ட்ராக்குகளை கொடுத்திருந்தார் இயக்குநர். மேலும் சிறப்பான திரைக்கதையுடன் படத்தை சலிப்பின்றி கொண்டு சென்றிருந்தார்.