இந்தியாவையே அசரடித்த பாகுபலிக்கு தேசிய விருது.. செம பொருத்தம்தான்!

பிரமிக்க வைத்த போர்க்களம்:

போர்க்களம், நகர அமைப்பு, போர் முதலானவற்றைத் திரையில் காட்சிப்படுத்திய விதம் பிரமிக்க வைப்பதாக அமைந்திருந்தது.

காலகேயர்களின் வியூகம்:

ஒரு லட்சம் வீரர்களைக் கொண்ட காலகேயர்களின் படையை 25 ஆயிரம் வீரர்களைக் கொண்ட மகிழ்மதியின் படை எதிர்கொண்டு வெல்ல அமைக்கும் வியூகமும், அந்த வியூகம் செயல்படும் விதத்தைக் காட்சிப்படுத்திய விதமும் விரிவும் நுணுக்கமும் கொண்டவையாக வடிவமைக்கப்பட்டிருந்தன.

செட்டா? ரீலா?:

நிர்மாணிக்கப்பட்ட செட் எது, கம்ப்யூட்டர் உதவியுடன் உருவாக்கப்பட விர்ச்சுவல் செட் எது என்கிற வேறுபாடுகளைக் கண்டறிய முடியாத சாபு சிரிலின் கலை இயக்கம் அசத்தியிருந்தது.

மகிழ்ச்சிக்குரிய விருது:

ஸ்ரீனிவாஸ் மோகனின் மேற்பார்வையிலான விஷுவல் எஃபெக்ட்டுடன் இணைந்த கலை இயக்கம் என இரண்டு தளங்களுடன் சக்கை போடு போட்ட பாகுபலிக்கு தேசிய விருது கிடைத்திருப்பது மகிழ்ச்சிக்குரியதாகும்.