மும்பை சேரி பகுதி-ஆஸ்கர்: ஹாலிவுட் பிரபலங்களை அசத்திய இந்திய 'குட்டி' சிங்கம்

கோட்சூட்

கருப்பு நிற கோட் சூட் அணிந்து வந்த சன்னி பவார் சிவப்பு கம்பளத்தில் நடந்தார். அவர் நம்பிக்கையுடன் நடந்து வந்த விதம் ஹாலிவுட் நட்சத்திரங்களை கவர்ந்துள்ளது.

சன்னி

விழாவை தொகுத்து வழங்கிய ஜிம்மி கெம்மல் சன்னி இருந்த இடத்திற்கு வந்து அவரை தூக்கி அனைவருக்கும் காண்பிக்க அரங்கமே அதிர்ந்தது. அப்போது இனிப்புகள் அடங்கிய பைகள் காற்றில் பறந்து வந்தன.

லயன் கிங்

பிரபல ஹாலிவுட் படமான லயன் கிங்கில் சிங்க ராஜா முபாசா, ராணி சராபிக்கு சிம்பா பிறந்தவுடன் அதை ரபிக்கி காட்டு விலங்குகளுக்கு அறிமுகம் செய்து வைத்த காட்சியை தான் ஜிம்மி சன்னியை வைத்து நடித்தார்.

உற்சாகம்

சேரியில் பிறந்து வளர்ந்த ஒரு சிறுவனால் ஆஸ்கர் வரை சென்று அனைவரின் கவனத்தையும் ஈர்க்க முடியும் என்பதை நிரூபித்துள்ளார் சன்னி பவார்.