twitter
    For Quick Alerts
    ALLOW NOTIFICATIONS  
    For Daily Alerts

    ஷாரூக், கஜோலுக்கு பிலிம்பேர் விருதுகள்!

    By Chakra
    |

    மை நேம் ஈஸ் கான் படத்துக்காக சிறந்த நடிகருக்கான பிலிம்பேர் விருது ஷாரூக்கானுக்கும், சிறந்த நடிகைக்கான விருது கஜோலுக்கும் வழங்கப்பட்டது.

    மும்பையில் நேற்று நடந்த பிரமாண்ட விழாவில் பிலிம்பேர் விருதுகள் வழங்கப்பட்டன.

    முக்கியமான மூன்று விருதுகள் மை நேம் ஈஸ் கான் படத்துக்கு வழங்கப்பட்டன. சிறந்த நடிகராக ஷாரூக்கானுக்கும், சிறந்த நடிகையாக கஜோலுக்கும், சிறந்த இயக்குநருக்கான விருது இந்தப் படத்தை உருவாக்கிய கரண் ஜோஹருக்கும் வழங்கப்பட்டன. ஷாரூக்குக்கு நடிகை ரேகா விருதை வழங்கினார்.

    'உதான்' படத்துக்கு சிறந்த படம், சிறந்த துணை நடிகர், சிறந்த கதை, சிறந்த ஒளிப்பதிவாளர், சிறந்த திரைக்கதை, சிறந்த பிண்ணனி இசை, சிறந்த இசை வடிவமைப்பு என ஏழு விருதுகள் வழங்கப்பட்டன.

    சல்மான்கான் நடித்த தபாங் படத்துக்கு 5 விருதுகள் வழங்கப்பட்டன.

    கரீனா கபூருக்கு சிறந்த துணை நடிகைக்கான விருது வழங்கப்பட்டது (வி ஆர் பேமிலி).

    பாலிவுட்டில் 40 ஆண்டுகளாக கோலோச்சி வரும் அமிதாப் பச்சனுக்கு சிறப்பு விருதை வழங்கினர் யாஷ் சோப்ராவும் ஷாரூக்கானும். அதேபோல, பாலிவுட்டில் 25 ஆண்டுகளைப் பூர்த்தி செய்த மாதுரி தீக்ஷித்துக்கும் சாதனையாளர் விருது வழங்கப்பட்டது. இந்த விருதினை வழங்கியவர் ஐஸ்வர்யா ராய்.

    மூத்த பின்னணிப் பாடகர் மன்னா டேக்கும் சிறப்பு விருது அறிவிக்கப்பட்டது. ஆனால் 90 வயதான அவரால் விழாவுக்கு வந்து விருதினைப் பெற்றுக் கொள்ள முடியவில்லை. எனவே நடிகை வித்யா பாலன் அவர் வீட்டுக்கே சென்று விருதினை வழங்கினார்.

    தபாங் படத்துக்காக சஜித் வஜித் சிறந்த இசையமைப்பாளர் விருதினைப் பெற்றார்.

    இதே படத்துக்காக சிறந்த சண்டைப் பயிற்சி இயக்குநராக விஜயனுக்கு விருது வழங்கப்பட்டது.

    விழாவின் சிறப்பு நிகழ்ச்சியாக மாதுரி தீக்ஷித்துடன் இணைந்து மேடையில் அட்டகாசமாக நடனம் ஆடி அசத்தினார் ஷாரூக்கான்.

    English summary
    bollywood stars Shah Rukh Khan and Kajol won the 56th Filmfare awards in best actor and actress category for their excellent performances in My Name Is Khan. Karan Johan won the best director award for the same film. The 56th Idea Filmfare Awards draws to a close with 'Udaan' making a clean sweep taking home the 7 Filmfare Awards including Best Supporting Actor (Male), Best Film (Critics), Best Story, Cinematography, Screenplay, Best Background Music and Best Sound Design Award. Arbaz's Salman starrer Dabangg won five awards as well.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X