Don't Miss!
- News லண்டன் தெருவில்.. ரத்தம் சொட்ட சொட்ட பாய்ந்த 2 குதிரைகள்.. பக்கிங்ஹாம் அரண்மனை கிட்ட ஒரே பரபரப்பு
- Automobiles நம்ம இந்திய நிறுவனத்தின் தயாரிப்பா இதுனு எல்லாரும் வாயடைச்சு போயிட்டாங்க! எஃப்77 மேக்2 இ-பைக் அறிமுகம்!
- Finance சிங்கப்பூர் அடுத்து ஐரோப்பா கொடுத்த ஷாக்.. அச்சுறுத்தும் எத்திலீன் ஆக்சைடு கெமிக்கல்..!!
- Lifestyle கோடையில் இரவு தூங்கும் முன் இதை முகத்தில் தடவுங்கள்.. உங்கள் சருமம் அழகாகவும் பளப்பளப்பாகவும் இருக்கும்..!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
- Technology OnePlus முரட்டு அடி.. AMOLED டிஸ்பிளே.. 32GB மெமரி.. GPS கனெக்டிவிட்டி.. 500mAh பேட்டரி.. எந்த மாடல்?
- Sports இன்னும் 6 போட்டி.. 3ல் அடிவாங்கினால் சோலி முடிஞ்ச்.. பிளே ஆஃப் செல்ல சிஎஸ்கே என்ன செய்ய வேண்டும்?
- Education இலவச கட்டணத்துடன் தனியார் சுயநிதி பள்ளிகளில் சேர வேண்டுமா...ஆன்-லைனில் அப்ளை பண்ணுங்க....!!
சிவாஜி கணேசன் 92வது பிறந்தநாள் கொண்டாட்டம் - சரோஜாதேவிக்கு சிவாஜி விருது
சென்னை: நடிகர் திலகம் சிவாஜி கணேசனின் 92ஆவது பிறந்தநாள் நாளை அக்டோபர் 1ஆம் தேதியன்று தமிழகம் முழுவதும் கொண்டாடப்படவிருக்கிறது. நாளை மாலை 6 மணியளவில் சென்னை ராதாகிருஷ்ணன் சாலையில் உள்ள மியூசிக் அகாடமியில் நடைபெறும் பிறந்தநாள் விழா நிகழ்ச்சியில் நடிகை சரோஜா தேவி, நடிகை ராஜஸ்ரீ, ஏ.ஆர்.எஸ் மற்றும் ஒளிப்பதிவாளார் பாபு ஆகியோருக்கு டாக்டர்.சிவாஜி கணேசன் விருதுகள் வழங்கி கவுரவிக்கப்பட உள்ளது.
நடிகர் திலகம் சிவாஜி அவர்களின் 92ஆவது பிறந்தநாள் நாளை அக்டோபர் 1ஆம் தேதியன்று தமிழகம் முழுவதும் கொண்டாடப்படவிருக்கிறது. திரையுலகம் சார்பிலும் சென்னையில் நாளை பல்வேறு சிறப்பு நிகழ்ச்சிகளும் நலத்திட்ட உதவி வழங்கும் நிகழ்ச்சிகள் நடத்த திட்டமிடப்பட்டுள்ளன. இதில் திரையுலகத்தை சார்ந்த முக்கிய பிரமுகர்களும் கலந்துகொள்ளவிருக்கிறார்கள்.
தமிழ்நாடு காங்கிரஸ் கலைப்பிரிவு சார்பில், தமிழகம் முழுவதும், மாவட்ட காங்கிரஸ் அலுவலகம் / பொது இடத்தில், நடிகர்திலகத்தின் புகைப்படத்தை வைத்து மாலை அணிவிக்கப்பட்டும், ரத்ததானம், அன்னதானம், போன்ற சமூக நலப்பணிகளும் நடைபெறுகின்றன.
சென்னையில் 01-10-2019 செவ்வாய் காலை 8.30 மணிக்கு, சாந்தோமிலுள்ள காக்கும் கரங்கள் ஆதரவற்றோர் விடுதியில். நடிகர்திலகம் சிவாஜி சமூக நலப்பேரவை சார்பில் காலை சிற்றுண்டி வழங்கப்படுகிறது
நாளை காலை 9.30 மணிக்கு, நடிகர்திலகம் சிவாஜி மணிமண்டபத்தில், தமிழ்நாடு காங்கிரஸ் கலைப்பிரிவு மற்றும் சிவாஜி சமூக நலப்பேரவை தலைவர் K.சந்திரசேகரன் தலைமையில் நிர்வாகிகள், தொண்டர்கள் மாலை அணிவிக்கிறார்கள்.
நாளை காலை 10.30 மணியளவில், தமிழ்நாடு காங்கிரஸ் தலைமை அலுவலகமான சத்தியமூர்த்தி பவனில் நடிகர்திலகம் சிவாஜி உருவப் படத்திற்கு மாலை அணிவித்து மரியாதை செலுத்தும் நிகழ்ச்சி நடைபெறுகிறது.
நாளை மாலை 6 மணியளவில் சென்னை ராதாகிருஷ்ணன் சாலையில் உள்ள மியூசிக் அகாடமியில் நடைபெறும் சிவாஜியின் பிறந்தநாள் நிகழ்ச்சியில் டாக்டர் பிரதாப் ரெட்டி தலைமை விருந்தினராக கலந்துகொள்கிறார். இந்நிகழ்ச்சியில் அபிநய சரஸ்வதி என்றழைக்கப்படும் சரோஜா தேவி, நடிகை ராஜஸ்ரீ, ஏ.ஆர்.எஸ் மற்றும் ஒளிப்பதிவாளார் பாபு ஆகியோருக்கு டாக்டர்.சிவாஜி கணேசன் விருதுகள் வழங்கி கவுரவிக்கப்படவிருக்கிறது.