Don't Miss!
- Finance திருமணமான இந்துக்கள் கூடுதலாக வரி சேமிப்பதற்கான வழிமுறைகள் – ஜெரோதா CEO சொன்ன ஐடியா..!
- Automobiles அந்த தப்பை மட்டும் பண்ணிடாதீங்க.. ஆடி, பென்ஸ், போர்ஷேனு எல்லா காரையும் வாரி சுருட்டி போட்டு போயிட்டாங்க போலீஸ்
- Lifestyle Today Rasi Palan 29 March 2024: இன்று இந்த ராசிக்காரர்களின் நிதி நிலை வழக்கத்தை விட சிறப்பாக இருக்கும்...
- News பொத்தென விழுந்த மேற்கூரை.. 3 பேரை அமுக்கி கொன்ற சென்னை பப் விபத்து பற்றி காவல்துறை விளக்கம்
- Sports ரிஷப் பண்ட்க்கு 2 முறையும் லக் இல்ல.. தொடர்ந்து 2வது வெற்றியை பெற்ற ராஜஸ்தான்.. ரியான்,ஆவேஷ் அபாரம்
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
ஐஐஎப்ஏ உத்சவம்: பாகுபலி, தனி ஒருவனை வீழ்த்திய 'ரங்கிதரங்கா'
ஹைதராபாத்: நடந்து முடிந்த ஐஐஎப்ஏ விருது வழங்கும் விழாவில் அதிக விருதுகளைப் பெற்ற படம் என்ற பெருமையை மகேஷ்பாபுவின் ஸ்ரீமந்துடு மற்றும் கன்னடப்படமான ரங்கிதரங்கா ஆகியவை தட்டிச் சென்றுள்ளன.
ஐஐஎப்ஏ உத்சவம் என்ற பெயரில் இந்த வருடம் தென்னிந்தியத் திரைக் கலைஞர்களை அங்கீகரிக்கும் விதமாக சிறந்த நடிகர், நடிகை, இசையமைப்பாளர் என்று மொத்தம் 12 பிரிவுகளில் விருதுகள் வழங்கப்பட்டன.
இந்த விழாவில் பெரிதும் எதிர்பார்க்கப்பட்ட தனி ஒருவன்,பாகுபலியை விட ரங்கிதரங்கா மற்றும் ஸ்ரீமந்துடு ஆகிய படங்கள் அதிக விருதுகளைப் பெற்று சாதனை படைத்தது.
ஐஐஎப்ஏ உத்சவம்
இந்தியாவில் பாலிவுட் கலைஞர்களை மட்டும் முன்னிலைப்படுத்தி சர்வதேச இந்திய திரைப்பட விருதுகள்(ஐஐஎப்ஏ) இதுநாள்வரை வழங்கப்பட்டு வந்தன. இந்த வருடம் முதல் தென்னிந்திய கலைஞர்களையும் ஊக்குவிக்கும் விதமாக இந்த விருதுகள் வழங்கும் விழா ஹைதராபாத்தில் நடந்து முடிந்திருக்கிறது.
ரங்கிதரங்கா
இந்த விழாவில் முதன்முறையாக சாண்டல்வுட்டில் இருந்து தேர்வான ரங்கிதரங்கா திரைப்படம் 6 விருதுகளைக் கைப்பற்றி சாதனை படைத்தது.
புதுமுகங்கள் நிரூப் பண்டாரி, அவந்திகா ஷெட்டி, ராதிகா சேத்தன் மற்றும் சீனியர் நடிகர் சாய்குமார் ஆகியோர் நடித்து வெளிவந்திருக்கும் கன்னட திரைப்படம் தான் இந்த ரங்கிதரங்கா.
6 விருதுகள்
படம் வெளியான புதிதில் பாக்ஸ் ஆபீஸில் மிகப்பெரிய சாதனைகளை ரங்கிதரங்கா படைத்தது.தற்போது விருதுகளையும் கைப்பற்றி இருப்பது படக்குழுவினருக்கு மகிழ்ச்சியை அளித்திருக்கிறது. சிறந்த படம்(பிரகாஷ்), துணை நடிகர்(சை குமார்), வில்லன்(அரவிந்த் ராவ்), சிறந்த பாடலாசிரியர்(அனூப் பந்தாரி), சிறந்த இசையமைப்பாளர்(அனூப் பந்தாரி) மற்றும் சிறந்த இயக்குநர்(அனூப் பந்தாரி) ஆகிய 6 பிரிவுகளில் இப்படம் விருதுகளை வாரிக் குவித்தது.
ஸ்ரீமந்துடு
இதில் தெலுங்கு சூப்பர் ஸ்டார் மகேஷ்பாபுவின் சஸ்ரீமந்துடு திரைப்படம் சிறந்த நடிகர்(மகேஷ்பாபு), சிறந்த நடிகைசுருதிஹாசன்), சிறந்த துணை நடிகர்(ஜெகபதி பாபு), சிறந்த இசையமைப்பாளர்(தேவி ஸ்ரீ பிரசாத்), சிறந்த பாடலாசிரியர்(ராமஜோகையா சாஸ்திரி) மற்றும் சிறந்த பின்னணிப்பாடகர் (சாகர்) ஆகிய 6 விருதுகளை வென்றது.
பாகுபலிக்கு 5
சிறந்த படம், சிறந்த துணை நடிகர்(சத்யராஜ்) சிறந்த துணை நடிகை(ரம்யா கிருஷ்ணன்), சிறந்த வில்லன்(ராணா டகுபதி) மற்றும் சிறந்த பின்னணிப்பாடகி(சத்யா யாமினி) ஆகிய 5 பிரிவுகளில் இப்படம் விருதுகளைக் கைப்பற்றியது.
தனி ஒருவன்
2015 ன் மாபெரும் வெற்றிப்படமாக மாறிய தனி ஒருவன் திரைப்படம் சிறந்த நடிகர்(ஜெயம் ரவி), சிறந்த வில்லன்(அரவிந்த் சாமி) ஆகிய 2 பிரிவுகளில் விருதுகளை வென்றது.
பெரிதும் எதிர்பார்க்கப்பட்ட பாகுபலி, தனி ஒருவன் படங்களை விட கன்னடப்படமான ரங்கிதரங்கா விருதுகளை வாரிக் குவித்திருப்பது அனைவரையும் ஆச்சரியத்தில் ஆழ்த்தியிருக்கிறது.