61 வயதில் 3வது திருமணத்துக்கு ரெடியான அமீர்கான்.. அடுத்த மாதம் திருமணம் செய்யப் போகிறாரா?

மும்பை: பாலிவுட் நடிகர் அமீர்கான் மற்றும் அவரது காதலி கவுரி ஸ்ப்ராட் ஆகியோர் விரைவில் திருமணம் செய்துகொள்ளத் திட்டமிட்டுள்ளதாகப் பாலிவுட் வட்டாரங்களில் பரபரப்பான தகவல்கள் உலா வருகின்றன. அவர்களது உறவு அடுத்த கட்டத்திற்குச் செல்லவிருப்பதாகப் பரவலாகப் பேசப்படுகிறது.

கடந்த ஆண்டு தனது 60வது பிறந்தநாள் கொண்டாட்டத்தின்போது அமீர்கான், கவுரியைத் தனது காதலியாக ஊடகங்களுக்கு அதிகாரப்பூர்வமாக அறிமுகப்படுத்தினார். அதன்பிறகு, இருவரும் பல நிகழ்ச்சிகளில் ஒன்றாக வலம் வரத்தொடங்கினர். அமீர்கான் மற்றும் கவுரி கடந்த 25 ஆண்டுகளுக்கும் மேலாக நண்பர்களாக இருந்து வருவதும் குறிப்பிடத்தக்கது.

நெருங்கிய வட்டாரத் தகவலின்படி, ஃபேஷன் ஸ்டைலிஸ்ட், தொழில்முனைவோருமான கவுரி ஸ்ப்ராட்டிற்கு ஏற்கனவே திருமணமாகி விவாகரத்து பெற்றுள்ளார். முதல் கணவர் மூலம் அவருக்கு 7 வயதில் ஒரு மகன் இருக்கிறார்.

ஹாட்டர்ஃப்ளை அறிக்கையின்படி, அமீர்கான் மற்றும் கவுரி அடுத்த மாதம் ஜூலை 5 அன்று அமீர்கான் இல்லத்தில் பிரைவேட்டாக திருமணம் செய்துகொள்ளத் திட்டமிட்டுள்ளனர். "இருவரும் ஒரு வருடத்திற்கும் மேலாக ஒரு குடும்பமாக வாழ்ந்து வருகின்றனர், மகிழ்ச்சியான வாழ்க்கையை முறைப்படிக்கொண்டாடுகின்றனர்," என வட்டாரங்கள் தெரிவித்தன. நெருங்கிய குடும்பத்தினர், நண்பர்கள் மட்டும் பங்கேற்கும் எளிமையான விழாவாக அமீர்கான் திருமணம் நடைபெற உள்ளதாக கூறுகின்றனர்.

இந்தத் திருமணச் செய்திகள் குறித்து அமீர்-கவுரி தரப்பில் இதுவரை எந்தவொரு அதிகாரப்பூர்வம அறிவிப்பும் இல்லை. குறிப்பிடத்தக்க வகையில், கவுரிக்கு முன் அமீர் இருமுறை திருமணம் செய்தவர். 1986 முதல் 2002 வரை ரீனா தத்தாவை மணந்து, ஜுனைத், ஐரா இரு குழந்தைகளைப் பெற்றார். 2005-ல் கிரண் ராவை மணந்த அமீர்கான், 2021-ல் பிரிந்தாலும், மகன் ஆசாத் ராவ் கானை இணைந்து வளர்க்கின்றனர்.

மார்ச் 14, 1965 அன்று பிறந்த அமீர் கான், இந்த ஆண்டு 61 வயதை எட்டியுள்ளார். கவுரி ஸ்ப்ராட்டிற்கு 47 வயது. இந்தத் தம்பதியினருக்கு இடையே சுமார் 14 ஆண்டுகள் வயது வித்தியாசம் இருப்பதாக தகவல்கள் தெரிவிக்கின்றன. ஏற்கனவே 2 பெண்களை திருமணம் செய்து விவாகரத்தும் செய்த அமீர்கான் 3வது திருமணத்தை நடத்த திட்டமிட்டுள்ளார் என்கின்றனர்.

மேலும், ஒவ்வொரு முறையும் 13 ஆண்டுகால இடைவெளியில் அவர் விவாகரத்து செய்து வருவதாகவும் டிகோட் செய்து வருகின்றனர். தமிழில் அமீர்கான் ரஜினிகாந்த் நடித்த கூலி படத்தில் கேமியோ ரோலில் நடித்திருந்தார். ஆனால், அவரது கதாபாத்திரம் பெரிதாக பேசப்படவில்லை. லோகேஷ் கனகராஜ் உடன் இணைந்து அவர் ஒரு படம் பண்ணுவாரா? என்பது கேள்விக்குறி தான்.