என்னது இந்த டி-சர்ட் இவ்வளவு காஸ்ட்லியா? அர்ஜுன் கபூரின் ஃபேஷன் உடையின் விலை என்ன தெரியுமா?

போனி கபூர் மகன்

வலிமை பட தயாரிப்பாளர் போனி கபூருக்கும் அவரது முதல் மனைவி மோனா ஷவுரி கபூருக்கும் மகனாக பிறந்தவர் தான் அர்ஜுன் கபூர். உதவி இயக்குநராக கல் ஹோ நா ஹோ படத்தில் பணியாற்றி சினிமாவில் என்ட்ரி கொடுத்த இவர் 2012ம் ஆண்டு வெளியான இசாக்ஸாதே படத்தின் மூலம் நாயகனாக அதிரடி என்ட்ரி கொடுத்தார்.

வாரிசு நடிகர்

பாலிவுட்டில் நெபோடிசம் தலைவிரித்து ஆடி வரும் நிலையில், நடிகர் அர்ஜுன் கபூரும் எளிதாக பாலிவுட்டில் அறிமுகமாகி விட்டார் என அவர் மீதும் விமர்சனங்கள் எழுந்தன. 2 ஸ்டேட்ஸ், கி அண்ட் கா, ஹாஃப் கேர்ள்ஃபிரண்ட், நமஸ்தே இங்கிலாந்து, பானிபட் உள்ளிட்ட ஏகப்பட்ட ஹிட் படங்களில் நடித்து பாலிவுட்டின் மோஸ்ட் வான்டட் ஹீரோவாக மாறிவிட்டார் அர்ஜுன் கபூர்.

வயதான நடிகையுடன் காதல்

36 வயதாகும் அர்ஜுன் கபூர், 48 வயதாகும் நடிகை மலைகா அரோராவை காதலித்து வருகிறார். அடிக்கடி இவர்கள் இருவரும் பிரேக்கப் செய்து விட்டதாக பாலிவுட்டில் ரூமர்களை அர்ஜுன் கபூரின் ரசிகர்களே கிளப்பி வருவதாக கூறப்படுகிறது. சமீபத்தில் வெளியான பிரேக்கப் வதந்தியையும் உடனடியாக ஓடி வந்து அர்ஜுன் கபூர் இல்லை என விளக்கம் கொடுத்து முற்றுப்புள்ளி வைத்தார்.

காஸ்ட்லி டிசர்ட்

இந்நிலையில், நடிகர் அர்ஜுன் கபூர் விலையுயர்ந்த காஸ்ட்லி டிசர்ட்டை அணிந்து கொண்டு நடமாடிய புகைப்படங்கள் இணையத்தில் டிரெண்டாகி வருகின்றன. நீல நிறத்தில் பிரின்ட்டட் டிசைன் கலந்த அந்த டிசர்ட் தான் தற்போது பாலிவுட் ரசிகர்கள் மத்தியில் மிகப்பெரிய கவனத்தை ஈர்த்துள்ளது.

விலை என்ன

Amiri எனும் விலை உயர்ந்த பிராண்டட் டிசர்ட்டை அணிந்து கொண்டு அர்ஜுன் கபூர் வெளியில் நடமாடிய விவரங்கள் வெளியான நிலையில், அந்த டிசர்ட்டின் விலை சற்றே தலை சுற்றும் அளவுக்கு உள்ளது ரசிகர்களை ஆச்சர்யத்தில் ஆழ்த்தியுள்ளது. சாதாரண டிசர்ட் 100 ரூபாய் முதல் பிராண்டட் டிசர்ட்கள் சில ஆயிரங்கள் வரையில் விற்பனை ஆகி வரும் நிலையில், இந்த Amiri பிராண்ட் டிசர்ட்டின் விலை 46 ஆயிரம் ரூபாயாம். நடிகைகள் மட்டும் தான் லட்சங்களில் புடவைகளை கட்டிக் கொண்டு கெத்து காட்டுவார்களா? நானும் மாஸ் காட்டுகிறேன் என அர்ஜுன் கபூர் அசத்தி உள்ளார்.