சினிமா துறையில் உண்மையான காதலை பார்ப்பதே கஷ்டம்? கங்கனாவின் ட்விஸ்ட் பதிவு!

நடிகை கங்கனா ரனாவத்

பாலிவுட் படங்களில் பிஸியாக நடித்து வந்தாலும் சோஷியல் மீடியாவில் படுஆக்டிவாக இருக்கும் கங்கனா ரனாவத் தொடர்ந்து வெறுப்புணர்வை ஏற்படுத்தும் கருத்துகளை தெரிவித்து வந்த காரணத்தால், அவரின் ட்விட்டர் கொள்கை விதிகளை மீறிய காரணத்தால் கடந்த 2021ம் ஆண்டு முடக்கப்பட்டது. தற்போது ட்விட்டர் கணக்கு இரண்டு வாரங்களுக்கு முன் மீண்டும் பயன்பாட்டுக்கு வந்துள்ளது.

சினிமா துறையில் உண்மையான காதலா?

இந்நிலையில், கங்கனா ரனாவத் தனது இன்ஸ்டாகிராம் ஸ்டோரியில், இன்று திருமணம் செய்யவிருக்கும் சித்தார்த் மல்ஹோத்ரா மற்றும் கியாரா அத்வானியின் திருமண வீடியோவைப் பகிர்ந்து திருமணத்திற்கு வாழ்த்து தெரிவித்துள்ளார். அதில், இந்த காதல் ஜோடி எவ்வளவு மகிழ்ச்சியாக இருக்கிறார்கள். சினிமா துறையில் உண்மையான காதலை பார்ப்பதே மிகவும் அரிதான ஒன்று. இவர்களை ஒன்றாக பார்ப்பதற்கு தெய்வீகமாக உள்ளது என்று பதிவிட்டு, தீய கண் ஈமோஜியையும் பதிவிட்டுள்ளார்.

மறைமுகமான தாக்கு

இந்த பதிவினைப் பார்த்த ரசிகர்கள் சினிமா துறையில் உண்மையான காதல் இல்லையா? என்றும் மறைமுகமாக பல பாலிவுட் நடிகர்களை தாக்கும் விதமாக பதிவு செய்துள்ளார் என்றும் கருத்து தெரிவித்து வருகின்றனர். எதையாவது சர்ச்சையாக பேசுவதையே கங்கனாவின் வாடிக்கையாகி விட்டது என சில பிரபலங்களும் அவர் மீது கடுப்பில் உள்ளனர்.

சித்தார்த் மல்ஹோத்ரா, கியாரா அத்வானி திருமணம்

சித்தார்த் மல்ஹோத்ரா மற்றும் கியாரா அத்வானியின் திருமணம் ஜெய்சால்மரில் உள்ள சூர்யாகர் பேலசில் நடைபெறவுள்ளது. இவர்களது திருமணத்தை ஒட்டி, ரசிகர்கள் அனைவரும் உற்சாகமாக உள்ளனர். இவர்களின் திருமணத்தில், கரண் ஜோஹர், மணீஷ் மல்ஹோத்ரா மற்றும் இஷா அம்பானி என மொத்தம் 120 பேர் கொண்ட சிறப்பு விருந்தினராக கலந்து கொள்ள இருப்பதாக தகவல் வெளியாகி உள்ளது.