ஆலியா பட் படம் ஹிட்..கணவர் நடித்த ஷாம்ஷேரா பிளாப்..ரன்பீர் கபூரை கிண்டலடிக்கும் ரசிகர்கள்!

ஷாம்ஷேரா

1800 ஆம் ஆண்டு கற்பனை நகரமான காசாவை மையப்படுத்தி இத்திரைப்படம் உருவாக்கப்பட்டுள்ளது. இதில், இரக்கமற்ற சர்வாதிகாரி ஜெனரல் ஷுத் சிங் மக்களை அடிமைப்படுத்தி சிறையில் அடைத்து சித்ரவதை செய்து வருகிறார். அவர்களின் தலைவனாக போர் வீரராக ரன்பீர் கபூர் கதாபாத்திரம் அமைந்துள்ளது.

முன்னணி நடிகர்கள்

ரன்பீர் கபூர், சஞ்சய் தத், வாணி கபூர் ரோனித் ராய், சவுரப் சுக்லா மற்றும் அசுதோஷ் ராணா ஆகியோர் முக்கிய கதாபாத்திரத்தில் நடித்துள்ளனர். கரண் மேத்தாவின் மிகவும் எதிர்பார்க்கப்பட்ட படம் 'ஷாம்ஷேரா'வெள்ளிக்கிழமை திரையரங்கில் வெளியான நிலையில், இத்திரைப்படம் இரண்டு நாட்களில் மிகவும் குறைவான வசூலை பெற்றுள்ளது. படத்திற்கு கிடைத்த மோசமான விமர்சனங்களால் ஷாம்ஷேரா திரைப்படம் திரையரங்கில் போராடி வருகிறது.

வசூல் சரிந்தது

ஷாம்ஷேரா திரைப்பட முதல் நாளில் சுமார் 10.25 கோடியாக இருந்த நிலையில், 2 ஆம் நாள் வசூல், 9.8கோடியாக சரிந்தது. ரன்பீர் கபூரின் மனைவி ஆலியா பட் நடித்த கங்குபாய் கதியாவாடியை விட 2வது நாளில் குறைவாகவே வசூலாகி உள்ளது. வரலாற்று காவியமான இத்திரைப்படம் வார இறுதி நாட்களான சனி மற்றும் ஞாயிற்றுக்கிழமையில் இந்த வசூல் அதிகரிக்குமா என்று பொருத்திருத்துதான் பார்க்க வேண்டும்.

கங்குபாய் கத்தியவாடி

ஆலியா பட் நடித்த கங்குபாய் கத்தியவாடி பாக்ஸ் ஆபிஸில் புயலைக் கிளப்பியது. சஞ்சய் லீலா பன்சாலி இயக்கத்தில் உருவான இத்திரைப்படத்திற்கு திரையரங்கில் அதிக வரவேற்பு இருந்தது. இத்திரைப்படம் 2ஆம் நாள் படம் மொத்தம் ரூ 23.82 கோடி வசூல் செய்தது. கங்குபாய் கத்தியவாடி படம் ஹுசைன் ஜைதியின் மும்பையின் மாஃபியா குயின்ஸ் என்ற புத்தகத்தை அடிப்படையாகக் கொண்ட கதையாகும். இரண்டு படங்களையும் கம்பேர் செய்து ரசிகர்கள் ஆலியா படம் ஹிட், ரன்பீர் படம் பிளாப் என்று ரன்பீரை கிண்டலடித்து வருகின்றனர்.