Click it and Unblock the Notifications
ஆசினுடன் வேகமாக நெருங்கும் சல்மான்
ஆமிர்கானுடன் தனது முதல் இந்திப் படத்தை முடித்த ஆசின் அடுத்து சல்மான் கானுடன் ஜோடி போட்டு லண்டன் ட்ரீம்ஸ் படத்தில் நடித்தார்.
இப்படத்தில் அஜய் தேவ்கனும் நடித்துள்ளார். படப்பிடிப்பின்போது அஜய் தேவ்கனுடன் நட்பானார் ஆசின். இருவரும் நல்ல நண்பர்களாக பழகி வருவதாக கூறப்பட்டது.
ஆனால் உண்மையில் சல்மான் கானுடன்தான் ஆசினுக்கு அதிக நெருக்கம் ஏற்பட்டு விட்டதாம். படப்பிடிப்பு முடிந்த பின்னரும் கூட இருவரும் நெருக்கமாக பழகி வருகிறார்களாம்.
இருவருக்கும் படத்தில் மட்டுமல்லாமல் தனிப்பட்ட முறையிலும் கெமிஸ்ட்ரி ஏக போகமாக இருப்பதாக பாலிவுட்டில் கிசுகிசுக்கிறார்கள்.
தற்போது இருவரது நட்பும் அடுத்த கட்டத்திற்குப் போய் விட்டதாம். அதாவது இருவரும் மிக மிக நெருக்கமாக பழகி வருகிறார்களாம்.
இதுகுறித்து சல்மானுக்கு நெருக்கமானவர்கள் சிலர் கூறுகையில், சல்மான் கானும், ஆசினும் தனிப்பட்ட முறையில் நெருக்கமாக பழகி வருகிறார்கள்.
லண்டன் ட்ரீம்ஸ் படத்திற்குப் பின்னர் இருவரும் நெருக்கமாகி விட்டார்கள். காத்ரீனை கைபை விட தற்போது ஆசின் மீதுதான் சல்மான் அதிக ஆர்வம் காட்டுகிறார். இருவரது நட்பும் நாளுக்கு நாள் வலுவடைந்து வருவதாக தெரிகிறது என்கிறார்கள்.
தனது தனிப்பட்ட அனைத்து செயல்களுக்கும் சல்மானிடம்தான் ஆசின் ஆலோசனை கேட்கிறாராம்.
ஆசின் - சல்மான் நெருக்கத்தால் காத்ரீனா கைப் சற்று அதிர்ச்சி அடைந்துள்ளதாக கூறப்படுகிறது.
Continue with Google