ஹ்ரித்திக்குடன் கிளுகிளு காட்சிகள்... ஐஸ்வர்யா ராய் குடும்பத்தில் சிக்கல்?

குஜாரிஷ் படத்தில் ஹ்ரித்திக் ரோஷனுடன் படு நெருக்கமாக நடித்துள்ளதால் ஐஸ்வர்யா ராய்க்கு குடும்பத்தில் சிக்கல் ஏற்பட்டுள்ளதாக கூறப்படுகிறது.

குஜாரிஷ் படத்தில் ஹிருத்திக் ரோஷன் மனநலம் பாதித்தவராகவும் ஐஸ்வர்யாராய் அவருக்கு சிகிச்சை அளிக்கும் நர்சாகவும் வருகின்றனர்.

இந்த படத்தில் இருவரும் நெருக்கமாக நடித்துள்ளனர். இருவரின் படுக்கை அறை காட்சிகளும் இடம்பெற்றுள்ளனவாம். ஐஸ்வர்யாராய் இதுபோல் நடித்ததற்கு அமிதாப்பச்சன், அபிஷேக்பச்சன் இருவரும் எதிர்ப்பு தெரிவித்ததாகவும் மனைவி மேல் அபிஷேக்பச்சன் கடும் கோபத்தில் இருப்பதாகவும் மும்பை பத்திரிகைகளில் செய்திகள் வெளியாயின.

இதுபற்றி ஐஸ்வர்யாராயிடம் கேட்டபோது, "படங்களில் இரு கேரக்டர்களுக்குள் நடப்பவைகளை நிஜத்தில் ஒப்பிடக் கூடாது. எல்லா படங்களிலுமே நாயகனும் நாயகியும் திரையில்தான் காதல் செய்கிறார்கள்.

இதில் என் குடும்பத்தார் என் மேல் கோபமாக இருப்பதாக வெளியான செய்திகள் உண்மை இல்லாததவை. வெறும் புரளிதான். ஆனால் எப்போதுமே எனக்கு விருப்பமில்லாத காட்சிகளில் நான் நடிக்க மாட்டேன்....", என்றார்.

ஏற்கெனவே தூம் 2 படத்தில் ஹ்ரித்திக் ரோஷனுடன் ஐஸ்வர்யா ராய் லிப் டு லிப் கிஸ்ஸடித்ததில் பெரும் சர்ச்சை எழுந்தது நினைவிருக்கலாம்.