சகநடிகை தொந்தரவால் தற்கொலைக்கு முயன்ற புது ஹீரோயின்!

சக நடிகையின் டார்ச்சரால் தற்கொலைக்கு முயன்றதாக புதிய நடிகை அங்கீதா புகார் கூறியுள்ளார்.

சுற்றுலா படத்தில் ஹீரோயினாக நடித்துள்ளவர் அங்கீதா. இவர் புதுமுகம் ஆவார். இவருக்கு தோழியாக சான்ட்ரா நடிக்கிறார். இவர்தான் படப்பிடிப்பு தளத்திலிருந்து கணவர் நடிகர் பிரஜனோடு நேற்று காணாமல் போனவர் என்பது குறிப்பிடத்தக்கது.

இந்த நிலையில் சான்ட்ரா மீது ஹீரோயின் அங்கீதா புகார் கூறியுள்ளார். சான்ட்ரா தொல்லையால் தற்கொலைக்கு முயன்றதாகவும் அவர் தெரிவித்துள்ளார்.

அவர் மேலும் கூறுகையில், "நடிகை சான்ட்ரா தினமும் என்னை அவதூறாக பேசிவந்தார். மன உளைச்சலுக்கு ஆளாகும் வகையில் ஒரு கட்டத்தில் அதிக மன உளைச்சலுக்கு ஆளாகி என் சாவுக்கு காரணம் சாந்த்ராதான் என கடிதம் எழுதி வைத்து விட்டு தற்கொலைக்கு முயன்றேன்," என்றார்.

அப்போது அவர் எழுதிய கடிதத்தையும் காண்பித்தார்.

படப்பிடிப்புக்கு வந்த பிரஜின் - சான்ட்ரா மாயம், புது நடிகை அங்கீதா தற்கொலை முயற்சி போன்றவற்றால், இதுவரை பெயரே தெரியாமலிருந்த சுற்றுலா படம் பிரபலமாகிவிட்டது.

ஒருவேளை இதெல்லாம் திட்டமிட்ட விளம்பர முயற்சியோ என்றும் திரையுலகில் கிசுகிசுக்கிறார்கள்.