Click it and Unblock the Notifications
ஆர்யாவுக்கும், எனக்கும் வெறும் நட்புதான்-அடித்துக் கூறுகிறார் லட்சுமி ராய்
முன்பு கிரிக்கெட் வீரர் டோனிக்கும் நடிகை லட்சுமி ராய்க்கும் இடையே காதல் என்று கூறப்பட்டது. ஆனால் இந்தக் கிசு கிசு டோனி திருமணத்தால் பொய்யாகிவிட்டது.
இந் நிலையில் லட்சுமி ராய்க்கும் ஆர்யாவுக்கும் காதல் என்ற செய்தி பரவி வருகிறது. இதுகுறித்து லட்சுமி ராயிடம் கேட்டால்,
நானும், ஆர்யாவும் நல்ல நண்பர்கள். எங்களுக்கிடையில் காதல் இல்லை. இருந்திருந்தால் அதை நானே ஒப்புக் கொள்வேன். முன்பே என்னை ஆர்யாவுடன் இணைத்து பேசினார்கள். தற்போது மீண்டும் அதை ஆரம்பித்துள்ளார்கள்.
இதே போன்று தான் எனக்கும் டோனிக்கும் காதல் என்றார்கள். எனக்கும் டோனிக்கும் இடையே நட்பை தவிர வேறு எதுவுமில்லை. அவருக்கு நிறைய தோழிகள் உண்டு. அதில் நானும் ஒருத்தி.
அவருக்கு திருமணம் நடந்த போது நான் அமெரிக்காவில் இருந்தேன். இந்தியா வந்ததும் அவருக்கு வாழ்த்து தெரிவித்தேன். நானும் அவரும் இன்னும் நண்பர்களாக உள்ளோம். இது அவர் மனைவிக்கும் தெரியும்.
எனக்கு வரப்போகும் கணவர் நல்லவராக இருக்க வேண்டும். நான் கலைத் துறையில் இருப்பதால் என்னை புரிந்துக் கொள்பவராக இருக்க வேண்டும்.
டோனியும் அசினும் நண்பர்கள் தான். இது குறித்து மேலும் பேச நான் விரும்பவில்லை என்றார் லட்சுமி.
தற்போது ராகவா லாரன்ஸுடன் நல்ல நட்பாக இருக்கும் லட்சுமி ராய், அவருடைய இயக்கத்தில் உருவாகும் காஞ்சனா படத்தில் நடிக்கிறார். இதுதவிர மோகன்லாலுடன், கிறிஸ்டியன் பிரதர்ஸ் என்ற மலையாள படத்திலும் நடிக்கிறார். அஜீத்தின் மங்காத்தாவிலும் நடிக்கிறார்.
Continue with Google