சமத்தாக மாறிவிட்டாராம் பிக்கப் டிராப் நடிகர்

சென்னை: பிக்கப் டிராப் நடிகர் தற்போது சமத்துப் பிள்ளைாக மாறிவிட்டாராம்.

இந்த இளம் நடிகரின் படங்களை பற்றி பேசுவதை விட அவர் பிக்கப் டிராப் செய்யும் வேலைகளை பற்றி பேசுவது தான் அதிகம். பாவம் அவருக்கு பெயரே பிக்கப் டிராப் என்று ஆகும்படி மனிதர் நடிகைகளுடன் கடலை போடுவது, பிரியாணி விருந்து கொடுப்பது என்று இருந்தார்.

இதனால் அவரது இமேஜ் டேமேஜ் ஆனதோடு பெண் பார்க்க செல்லும் இடங்களில் எல்லாம் நீங்க பிக்கப் டிராப் வேலை செய்வதால் பெண் கொடுக்க முடியாது என்கிறார்களாம்.

இதையடுத்து தற்போது நடிகர் அடக்கி வாசிக்கிறாராம். யாராவது சக நடிகர் வா என் தோழியை அறிமுகம் செய்து வைக்கிறேன் என்று கூறினால் தேவையில்லை நான் நல்லபிள்ளையாகிவிட்டேன் என்று கூறுகிறாராம். டேமேஜான இமேஜை நல்லவிதமாக்கத் தான் இந்த முயற்சியாம்.

இதுவே பழைய ஆளாக இருந்தால் பிரியாணி விருந்து கொடுக்க திட்டம் போட்டிருப்பார்.