முகப்பு

கிசுகிசுகார்னர்

சென்னை: அப்பா, அங்கிள் கதாபாத்திரத்தில் நடிக்கும் வயது உள்ள ஒரு நடிகர் ஹீரோவாக மட்டுமே நடிப்பேன் என்று அடம் பிடிக்கிறாராம். இதையடுத்து பிரபல இயக்குநர் ஒருவருக்கு டிமிக்கி கொடுத்துக் கொண்டிருக்கிறாராம்.

ஒரு காலத்தில் பெரிய ஹீரோவாக இருந்தவர் அவர். அவர் அணியும் சட்டைகளுக்கே ஒரு கூட்டம் ரசிகராக இருந்தது. அவருக்கு பெயரும் புகழும் வாங்கிக் கொடுத்த படங்கள் பல இருந்தாலும் குறிப்பாக ஒரு படத்தை தான் சொல்ல வேண்டும்.

ஆடி, ஆடியே ரசிகர்களை அசத்தினார். நடிகருக்கு தற்போது வயதாகிவிட்டது. தாராளமாக அப்பா, அங்கிள் ஏன் தாத்தா கதாபாத்திரத்தில் கூட நடிக்கலாம். அப்படி நடித்தால் நிச்சயம் பெரிய ரவுண்டு வருவார். ஆனால் அவரோ நான் நடித்தால் தொடர்ந்து ஹீரோவாக மட்டுமே நடிப்பேன் என்று அடம்பிடிக்கிறாராம்.

ஒரு பெரிய இடத்து இயக்குநர் அவரை தன் படத்தில் குணச்சித்திர கதாபாத்திரத்தில் நடிக்க வைக்க விரும்புகிறார். இது குறித்து அறிந்த நடிகரோ அந்த இயக்குநரின் கண்ணிலேயே படாமல் எஸ்கேப் ஆகிக் கொண்டிருக்கிறார்.

இயக்குநரின் தொடர்பு எல்லைக்கு வெளியே இருக்க முடிவு செய்துள்ளாராம் நடிகர். நானே ஹீரோவாக நடிக்க வேண்டும் என்று காத்திருக்கிறேன் இவர் என்னடான்னா இப்படி ஒரு கதாபாத்திரத்தில் நடிக்க வைக்க நினைக்கிறாரே என நடிகர் புலம்புகிறாராம்.

நடிகர் கொஞ்சம் வயதான பிறகு ஹீரோவாக நடித்த படங்கள் எதுவுமே ஓடவில்லை. அவர் தற்போது ஹீரோவாக நடித்தாலும் யாரும் பார்க்க மாட்டார்கள். இது எல்லாம் தெரிந்தும் அடம் பிடிக்கிறார்.

நடிகர் தனது பிடிவாதத்தை விட்டுவிட்டு அப்பா கதாபாத்திரம் ஏற்றால் நிறைய சம்பாதிக்கலாம். ஆனால் அவருக்கு இது புரிய மாட்டேன் என்கிறதே.