சொந்த பிரச்னையால் அவதியில் நடிகர்.. மொத்தமாக சுருட்டப் பார்த்த பிசினஸ் பாட்னர்.. பளார் விட்டுட்டாறாமே

சென்னை: சென்னை: திரையில் எப்போதும் ஹீரோவாக ஜொலிக்கும் முன்னணி நடிகர் ஒருவர், தற்போது நிஜ வாழ்க்கையில் ஏற்பட்டுள்ள ஒரு பிரச்னையால் கடும் மன உளைச்சலில் இருப்பதாக கூறப்படுகிறது. குறிப்பாக, பல ஆண்டுகளாக முழு நம்பிக்கையுடன் அருகில் வைத்திருந்த நபர் ஒருவரே தற்போது பெரிய அதிர்ச்சியை கொடுத்திருப்பதாகவும், இதனால் நடிகர் மிகவும் அப்செட்டாக இருப்பதாகவும் கோலிவுட் வட்டாரங்களில் கிசுகிசுக்கப்படுகிறது.

அதாவது, சினிமாவில் சம்பாதித்த பணத்தை பல்வேறு தொழில்களில் முதலீடு செய்து வந்த அந்த நடிகர், தனது நெருங்கிய நண்பரையே ஒரு முக்கிய பிசினஸின் பொறுப்பாளராக நியமித்திருந்தாராம். ஆரம்பத்தில் எல்லாமே சுமூகமாக சென்று கொண்டிருந்த நிலையில், சமீபத்தில் கணக்கு வழக்குகளை ஆய்வு செய்தபோது சில விஷயங்கள் நடிகரின் கவனத்திற்கு வந்திருக்கிறதாம்.

இப்படி இருக்கையில், தொழிலில் வந்த லாபத்துக்கும் கணக்கில் காட்டப்பட்ட தொகைக்கும் இடையே பெரிய வித்தியாசம் இருப்பதை பார்த்த நடிகர் அதிர்ச்சி அடைந்தாராம். இதையடுத்து அமைதியாக சில விசாரணைகளை மேற்கொண்டபோது, பல விஷயங்கள் வெளிச்சத்திற்கு வந்ததாக கூறப்படுகிறது.

இந்நிலையில், நடிகரின் நம்பிக்கையை பயன்படுத்திக் கொண்டு அந்த பிசினஸ் பாட்னர் பல இடங்களில் தனிப்பட்ட முடிவுகளை எடுத்ததோடு, சில வருவாய்களையும் முறையாக கணக்கில் காட்டவில்லை என்ற தகவல் நடிகருக்கு கிடைத்திருக்கிறதாம். இதனால் கடும் கோபமடைந்த நடிகர், நேரடியாக அந்த நபரை அழைத்து விளக்கம் கேட்டதாக கூறப்படுகிறது.

ஆனால் ஆரம்பத்தில் அந்த பங்குதாரர் பல காரணங்களை கூறி சமாளிக்க முயன்றாராம். இதனால் இன்னும் ஆத்திரமடைந்த நடிகர், "நம்பிக்கையை வைத்து தான் உன்னிடம் எல்லாவற்றையும் ஒப்படைத்தேன்" என்று நேரடியாகவே கண்டித்ததாகவும் பேச்சு அடிபடுகிறது.

மேலும், இந்த சந்திப்பின் போது இருவருக்கும் இடையே கடும் வாக்குவாதம் ஏற்பட்டதாகவும், நடிகர் தனது கோபத்தை வெளிப்படையாக காட்டியதாகவும் கூறப்படுகிறது. இதன் பிறகுதான் பல வருடங்களாக இணைந்து வந்த அந்த தொழில் கூட்டணி முற்றிலும் உடைந்துவிட்டதாக தகவல்கள் வெளியாகியுள்ளன.

மற்றொருபுறம், நடிகருக்கு நெருக்கமானவர்கள் சிலர், "இது பணத்தை விட நம்பிக்கை சம்பந்தப்பட்ட பிரச்னை. அதனால்தான் அவர் இவ்வளவு அப்செட்டாக இருக்கிறார்" என்று கூறி வருகிறார்களாம்.

இப்படி இருக்கையில், இந்த விவகாரம் சினிமா வட்டாரத்திலும் பரபரப்பை ஏற்படுத்தியுள்ளது. குறிப்பாக வெளியில் மிகவும் அமைதியாக இருக்கும் நடிகர், இந்த விஷயத்தில் மட்டும் கடுமையாக நடந்துகொண்டதாக கூறப்படுவது பலருக்கும் ஆச்சரியத்தை ஏற்படுத்தியிருக்கிறது.

எது எப்படியோ... பல கோடி ரூபாய் இழப்பை விட, நம்பிக்கை வைத்த நபரால் ஏற்பட்ட ஏமாற்றம்தான் அந்த நடிகரை அதிகம் பாதித்திருக்கிறதாம். இதனால், "தொழிலில் கூட்டாளியை தேர்வு செய்யும் போது கூட ஆயிரம் முறை யோசிக்க வேண்டும்" என்று தனது நெருங்கிய வட்டாரத்தினரிடமே நடிகர் புலம்பி வருவதாகவும், ஒருகாலத்தில் உயிர் நண்பராக இருந்த பிசினஸ் பாட்னருடன் தற்போது பேசவே விரும்பாத நிலைக்கு சென்றுவிட்டதாகவும் கோலிவுட் கிசுகிசு வட்டாரங்கள் பரபரப்பாக பேசி வருகின்றன.