தலையிலேயே ‘குட்டி’ மகனுக்கு நடிப்பு சொல்லித் தரும் தலைவர் அப்பா

சென்னை: பலத்த ஆரவாரத்துடன் மகனை திரை உலகிற்கு அறிமுகப் படுத்தும் விழா நடத்திய தலைவர் அப்பா, தற்போது படு அப்செட்டில் இருக்கிறாராம். காரணம் மகனுக்கு 'சார் போஸ்ட்' சொல்லக் கூட கஷ்டமாக உள்ளது தானாம்.

இதனை வெளியில் சொன்னால் மகனின் எதிர்காலம் பாதிக்கும் என கருதும் அப்பா நடிகர், பெரிய கதாநாயகி தேடிக் கொண்டிருக்கிறோம் என வெளியே பில்டப் கொடுத்து விட்டு, உள்ளே மகனுக்கு நடிப்புப் பயிற்சிப் பட்டறை நடத்திக் கொண்டிருக்கிறாராம்.

அதேபோல், மகனின் அறிமுக விழாவிற்கு வந்திருந்த தம்பி நடிகரை நழுவ விடாமல் அருகில் அமர்த்திக் கொண்டாராம் தலைவர். வீண் அரசியல் சிக்கலில் மாட்டிக் கொள்ள விரும்பாத தம்பி, விழாவில் இருந்து எப்படி நழுவுவது என்பதிலேயே குறியாக இருந்தாராம்.