மகன் நடிக்கும் படத்தின் இயக்குனரை பாடாய் படுத்தும் கட்சி தலைவர்

சென்னை: இளைய மகனை ஹீரோவாக போட்டு படம் தயாரிக்கும் கட்சி தலைவர் இயக்குனரை பாடாய் படுத்துகிறாராம்.

ஹீரோவாக இருந்து அரசியல் கட்சி துவங்கிய அவர் தனது இளைய மகனை ஹீரோவாக போட்டு படம் தயாரித்து வருகிறார். படத்திற்கு மும்பையில் இருந்து நாயகியையும் கொண்டு வந்துள்ளனர்.

தேர்தல் முடிவு வந்தபோது கூட அவர் மகனின் படப்பிடிப்பில் தான் இருந்தார். இந்நிலையில் அவர் படத்தின் இயக்குனரை பாடாய் படுத்துகிறாராம். கதையை முடித்த பிறகு கட்சி தலைவர் தானும் நடிப்பேன் என்று தெரிவித்துள்ளார். இதையடுத்து கதையை தனக்கேற்றது போன்று மாற்றுமாறு தெரிவித்துள்ளாராம்.

கதையை எல்லாம் கேட்டுவிட்டு இப்படி கடைசி நேரத்தில் மறுபடியும் முதலில் இருந்தா என்று இயக்குனர் புலம்பிக் கொண்டிருக்கிறாராம்.