மல்லுக்கட்டிய நடிகை: தலையில் அடித்துக் கொள்ளும் இயக்குனர்

சென்னை: புஸு புஸு நடிகை தான் நடித்து வரும் 6 எழுத்துப் பட இயக்குனருடன் படப்பிடிப்பில் சண்டை போட்டாராம்.

விரல் வித்தை நடிகரின் காதலியான புஸு புஸு நடிகை கோலிவுட்டின் முன்னணி நடிகைகளில் ஒருவராக உள்ளார். இந்நிலையில் சின்னத்திரையில் இருந்து பெரியதிரைக்கு வந்து ஜொலிக்கும் சிவமான நடிகரை வைத்து குமரமான இயக்குனர் 6 எழுத்து படம் ஒன்றை இயக்கி வருகிறார்.

இந்த படத்தில் புஸு புஸு நடிகையைத் தான் ஹீரோயினாக போட வேண்டும் என்று இயக்குனர் ஒத்த காலில் நின்று தயாரிப்பாளரிடம் அனுமதி பெற்றார். இந்நிலையில் அம்மணி படப்பிடிப்புக்கு வந்த உடனேயே நான் இன்றைக்கு சீக்கிரம் கிளம்ப வேண்டும். எனக்கு வேறு ஒரு படப்பிடிப்பும் உள்ளது என்ற டயலாக்கை தான் முதலில் கூறுவாராம்.

மேலும் சிவமான நடிகரின் படப்பிடிப்புக்கு அவ்வப்போது டிமிக்கியும் கொடுத்துவிடுவாராம். இப்படி நடிகை டிமிக்கி கொடுப்பது, படப்பிடிப்பில் பாதியிலேயே நழுவிவிடுவதை பார்த்த இயக்குனர் ஒரு நாள் கடுப்பாகி நடிகையை பிடித்து விளாசினாரம். பதிலுக்கு நடிகையும் எகிற படப்பிடிப்பில் இருந்தவர்கள் அவர்களை சமாதானம் செய்தார்களாம்.

இந்த நடிகையை போய் என் படத்திற்கு வேண்டும் என்று அடம்பிடித்து ஒப்பந்தம் செய்துவிட்டேனே என்று இயக்குனர் தற்போது புலம்புகிறாராம்.