ஷூட்டிங்கில் ஓவராக ஜொள்ளு விட்ட இயக்குநர்.. பாதியிலேயே ஜூட் விட்ட அங்காடி நடிகை!

டார்ச்சர்:

நடிகையின் பிரச்சினைகள் ஊரே அறிந்த படியால், நடிகைக்கு மறுவாழ்வு தருவதாக நினைத்துக் கொண்டு ஓவராக அலப்பறை கொடுத்துள்ளார் இயக்குநர். நாளுக்கு நாள் இயக்குநரின் ஜொள்ளு டார்ச்சர் அதிகமாகவே, படத்தை முடித்துக் கொடுக்காமலேயே கழண்டு கொண்டார் நடிகை.

பாதியில் நின்ற படம்:

திறமையான நடிகை என்பதால் அவருக்கு அடுத்தடுத்து தமிழில் பட வாய்ப்புகள் அமைந்தன. தற்போது கை நிறைய படங்களில் நடித்து வருகிறார் நடிகை. ஆனால் சம்பந்தப்பட்ட இயக்குநருக்கு நிலைமை அப்படியில்லை. அவரது முதல் படமே பாதியிலேயே நின்றது.

பதிலடி:

நடிகையின் பெயரால் தாங்களும் பிரபலம் ஆகலாம் என்ற கனவில் இருந்தனர் இப்படத்தின் மூலம் தமிழ் சினிமாவில் அறிமுகமாக இருந்த பலர். ஆனால் அவர்களின் கனவு பலிக்கவில்லை. நடிகை மீது இது தொடர்பாக உரிய இடத்தில் புகார் அளிக்கலாம் என்றால், பதிலுக்கு நடிகையும் இயக்குநரின் அத்துமீறல்களை எடுத்து விடுவார் என்ற அச்சம் படக்குழுவிற்கு உள்ளது.

படக்குழு நிலை:

இதனால் அதிகாரப்பூர்வமாக இது குறித்து புகார் அளிக்கவும் முடியாமல், பட வேலைகளை முடிக்கவும் இயலாமல் திருடனுக்கு தேள் கடித்தது போன்ற நிலையில் இயக்குநர் உள்ளார். நடிகையாக பார்த்து மனமிறங்கி பட வேலைகளை முடித்துக் கொடுத்தால் தான், தங்களின் எதிர்காலமே என்கின்றனர் பாவப்பட்ட படக்குழுவினர்.