தொடர் தோல்வி.. கழுத்து நிறைய கடன்.. மீண்டும் காமெடிக்கு தாவும் வாசனை நடிகர்.. ரொம்ப லேட்?

கடனில் தத்தளிப்பு

இளம் நடிகர்களே தயாரிப்பு நிறுவனங்களை நடத்தி ஹிட் கொடுத்து பல கோடிகளை சம்பாதித்து வருகின்றனரே என நினைத்து ஹீரோவாக மட்டுமின்றி தான் நடிக்கும் படங்களை தானே தயாரித்து வெளியிடவும் முடிவு செய்து பெரும் கடனில் தத்தளித்து வருகிறாராம் அந்த காமெடி நடிகர்.

வொர்க்கவுட் ஆகல

காமெடி நடிகர்கள் பலர் ஹீரோவாக நடிக்க முயற்சித்து வெற்றியும் தோல்வியும் மாறி மாறி சந்தித்துள்ளனர். ஆனால், தொடர்ந்து பல படங்கள் இந்த நடிகருக்கு தோல்வியாக மாறிய நிலையில், ரொம்பவே சிக்கலில் சிரிப்பு நடிகர் சிக்கித் தவித்து வந்த நிலையில், சரியான நேரத்தில் அவரை மடக்கி பிடித்து டாப் நடிகர் படத்தில் நடிக்க வைக்க அந்த காதல் இயக்குநர் காய் நகர்த்த நடிகரும் கொஞ்சம் பில்டப் பண்ணிட்டு உடனடியாக ஓகே சொல்லி விட்டாராம்.

விஷயம் லீக் ஆகிடுச்சு

இனிமே ஹீரோவாகவும், அவ்வப்போது காமெடியனாகவும் நடிப்பேன் என மீண்டும் காமெடியனாக நடிக்க வாசனை நடிகர் ரகசியமாக அந்த ஒரு இயக்குநருக்கு மட்டும் சொன்ன தகவல் அப்படியே கோடம்பாக்கம் முழுவதும் லீக் ஆகிவிட்டது போல செட்டிங் செய்து ஏகப்பட்ட வாய்ப்புகளை பிடித்து வருகிறாராம் அந்த நடிகர்.

காமெடிக்கு பஞ்சம்

காமெடி நடிகர்கள் எல்லாம் ஹீரோக்களாக மாறிய நிலையில், புதிதாக அந்த இடத்துக்கு பெரியளவில் நடிகர்கள் வந்து நிரப்ப முடியாத சூழல் நிலவி வருவதை உணர்ந்து கொண்ட நடிகர் மீண்டும் காமெடி பக்கம் சென்றால் இன்னொரு ரவுண்டு வரலாம். நன்றாக சம்பாதித்து விட்டு தெளிவாக சில படங்களில் மட்டும் ஹீரோவாக நடித்து நம் லட்சியத்தையும் நிறைவேற்றிக் கொள்ளலாம் என முடிவு கட்டி விட்டாராம்.

ரொம்ப லேட்

சமீபத்தில் இன்னொரு படத்திலும் நடிகர் இணைந்து விட்ட நிலையில், அந்த படத்தின் இயக்குநர் உன்னை முன்பே சில படங்களுக்கு காமெடியனாக நடிக்க அழைத்தேன். நீ வரல.. இப்போவாவது வந்தது ரொம்ப சந்தோஷம். ஆனால், இது கொஞ்சம் லேட்டான முடிவு தான் என்றாலும் நல்ல முடிவு தான் என்று கூறியுள்ளதாக தகவல்கள் கசிந்துள்ளன.

மனசை தேத்திக்கிட்டாரு

இந்த திடீர் மாற்றம் நடிகருக்கு அதிக மன வருத்தத்தை கொடுத்தாலும் கால மாற்றத்திற்கு ஏற்ப மாறி தானே ஆக வேண்டும். இனிமே ஒரு கல்லில் இரண்டு மாங்காய் அடிக்கலாம் என நினைத்துக் கொண்டு தனது மனசை தேத்திக்கிட்டாராம். அட்வான்ஸ் வாங்கியது தெரிந்த உடனே கடன் கொடுத்தவர்கள் எல்லாம் க்யூவில் வந்து நிற்பதாகவும் பேச்சுக்கள் அடிபட்டு வருகின்றன.