சம்பளத்தை எதுக்கு விட்டுக்கொடுத்த?: மகன் நடிகர் மீது அப்பா நடிகர் கோபம்

சம்பளம்

ரசிகர்களிடம் மன்னிப்பு கேட்டதுடன் நிற்காமல் தனது சம்பளத்தில் ஒரு பகுதியை விட்டுக் கொடுப்பதாகவும் அறிவித்தார். அவரின் அறிவிப்பை பார்த்து அப்பா நடிகர் கோபம் அடைந்துவிட்டாராம்.

அப்பா நடிகர்

சில விநியோகஸ்தர்களுக்கு மட்டுமே அதுவும் சுமாரான நஷ்டம் தான் ஏற்பட்டிருக்கிறது. அப்படி இருக்கும்போது சம்பளத்தை விட்டுக் கொடுக்க வேண்டிய அவசியம் என்ன. இது தவறான முன்னுதாரணமாகிவிடுமே என்று அப்பா நடிகர் மகனை திட்டினாராம்.

சமாதானம்

ஹிட்டாகும் என்று நம்பி நடித்த படம் தோல்வி அடைந்ததில் மகன் நடிகர் ஏற்கனவே அப்செட்டில் உள்ளார். இந்நிலையில் அப்பா நடிகர் திட்டியதால் கூடுதல் கவலையில் இருக்கிறாராம். அப்பா உங்க நல்லதுக்கு தானே சொல்கிறார் தம்புடு என்று நலன்விரும்பிகள் அவரை சமாதானம் செய்துள்ளனர்.

பெரிய படம்

மகன் நடிகர் தற்போது பிரமாண்ட இயக்குனரின் படத்தில் நடித்துக் கொண்டிருக்கிறார். இந்த படம் தனது கெரியரை தூக்கி நிறுத்துவதுடன் தன்னை பற்றி அனைவரையும் பேச வைக்கும் என்று அவர் எதிர்பார்க்கிறார். பிரமாண்ட இயக்குநர் வெற்றிப் படங்களை கொடுப்பதற்கு பெயர் போனவர். அதனால் இந்த படம் நிச்சயம் ஹிட்டாகும் என்று நம்பப்படுகிறது.