அடுத்த படத்துக்கும் வேட்டு வைத்த இயக்குநர்.. தயாரிப்பாளருடன் சண்டை போட்டதால் தள்ளிப்போன ரிலீஸ்!

வெறும் பில்டப்

திரைக்கதையில் எந்த சுவாரஸ்யமும் இல்லாமல் வெறும் பில்டப்பை மட்டுமே நம்பி படங்களை இயக்கி வருகிறார் அந்த இயக்குநர் என அவரது படங்கள் தொடர் தோல்வியடைய பலரும் விமர்சித்து வருகின்றனர். ஒல்லி நடிகரை வைத்து அவர் கடைசியாக இயக்கிய படமும் கடும் சிக்கலுக்கு பிறகே ரிலீசானது குறிப்பிடத்தக்கது.

ரசிகர்கள் அப்செட்

இந்த ஆண்டாவது கெட்டப் நடிகரின் செம மாஸ் படத்தை பார்த்து விடலாம் என மிகவும் ஆவலுடன் காத்திருந்த அவரது ரசிகர்களின் கனவு குளத்தில் மிகப்பெரிய கல்லை போட்டு அப்செட்டாக்கி உள்ளார் அந்த இயக்குநர். இந்த ஆண்டு ரிலீஸ் ஆகும் என எதிர்பார்த்த அந்த படத்தின் ரிலீசுக்கே தற்போது வேட்டு வைத்து விட்டாராம்.

தயாரிப்பாளருடன் சண்டை

பல கோடி கொட்டி படத்தை தயாரிக்கும் தயாரிப்பாளர்களிடமே தொடர்ந்து இயக்குநர்கள் மோதல் போக்கை கடைபிடிப்பதை டிரெண்டாக்கி வருகின்றனர். படத்திற்கு நெகட்டிவ் பப்ளிசிட்டி கிடைக்க சிலர் இதுபோல செய்த நிலையில், அந்த இளம் இயக்குநரும் தற்போது பட தயாரிப்பாளருடன் சண்டை போட படத்தின் ரிலீஸ் கேள்விக்குள்ளாகி உள்ளதாக தகவல்கள் கசிந்துள்ளன.

ஏற்கனவே இரண்டு படங்கள்

கெட்டப் நடிகர் நடிப்பில் ஏற்கனவே உருவான இரண்டு படங்கள் இதே போல தயாரிப்பு தரப்புடன் ஏற்பட்ட மோதல் காரணமாகவே இன்னமும் ரிலீஸ் ஆகாமல் கிடப்பில் உள்ள நிலையில், அந்த லிஸ்ட்டில் இந்த படமும் சேர்ந்து கெட்டப் நடிகருக்கு ரிலீஸ் ஆகாமல் ஹாட்ரிக் அடித்த படமாக இந்த படம் மாறிவிடுமோ என்கிற அச்சம் எழுந்துள்ளது.

அதுமட்டும் தான் நம்பிக்கை

எத்தனை படங்கள் ரிலீசாகமல் கை விரித்தாலும் அந்த பிரம்மாண்ட வரலாற்று படம் சொன்ன தேதியில் வெளியாகி கெட்டப் நடிகரை கெத்தாக மீண்டும் கோலிவுட்டில் வலம் வர செய்யும் என்கிற நம்பிக்கை மட்டுமே இப்போதைக்கு மிச்சம் இருப்பதாகவும் கூறப்படுகிறது.