நான் தான் 'ஹீரோயின்', இல்ல நான் தான்: மல்லுக்கட்டிய 2 நடிகைகள்

சென்னை: சுந்தரமான இயக்குனரின் படத்தில் நடித்து வரும் புஸு புஸு நடிகைக்கும், ராசிக்காக பெயரை மாற்றி வைத்துள்ள நடிக்கைக்கும் இடையே லடாயாம்.

சுந்தரமான இயக்குனர் எடுத்து வரும் பங்களா படத்தில் புஸு புஸு நடிகையும், ராசிக்காக பெயரை மாற்றி வைத்துள் நடிகையும் நடிக்கிறார்கள். இரண்டு நடிகைகள் ஒரு படத்தில் இருந்தால் யாருக்கு அதிகம் முக்கியத்துவம் என்ற போட்டி இருக்கும். இந்த படத்திலும் அதே போட்டி தான் உள்ளதாம்.

புஸு புஸு நடிகை தனக்கு தான் அதிக முக்கியத்துவம் உள்ளது என்று கூற பெயர் மாற்றிய நடிகையோ இல்லை எனக்கு தான் என்று பதிலுக்கு தெரிவிக்க பயங்கரமாக வாக்குவாதம் நடந்ததாம். படத்தையே என் பெயரை வைத்து தான் இயக்குனர் விளம்பரம் செய்கிறார், நீ வெறும் ஒரு கதாபாத்திரம் அவ்வளவு தான் என்று புஸு புஸு ஒரு எக்ஸ்ட்ரா பிட்டை போட பெயரை மாற்றிய நடிகைக்கு கடுப்பாகிவிட்டதாம்.

இதையடுத்து அந்த நடிகை இயக்குனரை அணுகி கேட்க அவரோ உங்கள் இருவருக்குமே சமமான முக்கியத்துவம் உள்ள கதாபாத்திரம் தான் கூறி சமாதானம் செய்தாராம். படத்தில் இன்னொரு நடிகையும் உள்ளார் என்பது குறிப்பிடத்தக்கது.