அந்த இயக்குனருக்கும் ஹீரோயினுக்குமான நட்பு, அதுக்கும் மேலயாமே.. காதைக் கடிக்கும் கோலிவுட்!

திக்குமுக்காடி போனார்

பாலிவுட்டில் டாப் இயக்குனர் படத்திலும், நடித்திருக்கிறார் நடிகை. தமிழில் சில படங்களில் சின்ன கேரக்டர்களில் எட்டிப் பார்த்துப் போனவருக்கு, எதிர்பார்க்காமல் அடித்தது அப்படியோர் அதிர்ஷ்டம். அந்த முன்னணி நடிகர் படத்தில் அவர்தான் ஹீரோயின். இந்த டாப் வாய்ப்பால், திக்குமுக்காடி போனார் நடிகை.

பக்காவானத் திட்டம்

அதைக் கெட்டியாகப் பிடித்துக் கொண்ட நடிகை, தன்னை அதை வைத்தே பக்காவாக புரமோட் பண்ண நினைத்தார். அதற்கான வேலைகளிலும் இறங்கினார். போட்டோ ஷூட், தடால், படால் பேட்டி என பக்கா திட்டம் வைத்திருந்தார். இதற்காக சில சீனியர்களிடம் ஐடியாவும் கேட்டிருந்தார்.

ஹீரோயின் சாயல்

ஆனால், கொரோனாவால் அவர் வளர்ச்சி திடுக்கென நின்றது. அசரவில்லை அவர், நிலைமை சரியான பிறகு கண்டிப்பாக ஒரு ரவுண்ட் வரலாம் என முடிவு செய்து, அதற்கான வேலைகளில் கவனம் செலுத்தினார். அதற்கு அந்த இயக்குனரை பயன்படுத்தலாம் என நினைத்தார்.

நட்பு வளர்த்தார்

நினைத்த மாதிரியே, இயக்குனருடன் சும்மா நட்பு வளர்த்தார். இளம் இயக்குனருமான அவருக்கு அடிக்கடி போனில் பேசி, நட்பை டெவலப் செய்தார். பின்னர் அந்த நட்பு அடுத்தக் கட்டத்துக்குச் சென்றது. இப்போது நடிகையின் போன் வரவில்லை என்றாலே படபடப்பாகி விடுகிறாராம் இயக்கம்.

அடுத்தக் கட்டம்

முதலில் ஹீரோயின் வம்படியாக, இயக்குனருக்கு போன் செய்து விசாரித்துக் கொண்டிருந்த நிலைமை போய், இயக்குனர் அவருக்கு அடிக்கடி போன் செய்யும் நிலைக்கு மாறிவிட்டதாம், நட்பு. இதனால், இவர்கள் நெருக்கம் அடுத்தக் கட்டத்துக்குச் சென்றிருப்பதாகச் சொல்கிறது கோலிவுட்.

காதைக் கடிக்கிறார்கள்

இந்த நட்பால், அந்த நடிகைக்கு மேலும் சில பெரிய பட வாய்ப்பு கிடைத்திருக்கிறதாம். அந்த இயக்குனர் அடுத்து டாப் ஹீரோ ஒருவரிடன் படத்தை இயக்க இருக்கிறார். அந்தப் படத்தில் கூட நடிகைக்கு வாய்ப்பு கிடைக்கலாம் எனக் கூறப்படுகிறது. இது எங்க போயி முடியும்னு தெரியலையே என காதைக் கடிக்கிறார்கள், சாலிக்கிராம ஸ்டூடியோக்களில்.