'மாஜி’ காதலியின் பேட்டியால் கோபம்.. பழி வாங்க நடிகர் எடுத்த அதிரடி முடிவு!

மனம் திறந்து பேட்டி:

திருமணத்திற்குப் பிறகும் மார்க்கெட் குறையாமல் தொடர்ந்து முன்னணி நடிகையாகவே நடித்து வருகிறார் நடிகை. இந்நிலையில், சமீபத்தில் பாய்ஸ் நடிகருடன் தனக்கிருந்த காதல் பற்றியும், நடிகரைப் பற்றியும் மனம் திறந்து பேட்டியளித்திருந்தார்.

அதிரடி முடிவு:

தற்போது அவ்வளவாக சொல்லிக் கொள்ளும் வகையில் படவாய்ப்புகள் இல்லாத நடிகர், தனது இமேஜை நடிகையின் பேட்டி கெடுத்து விட்டதாக கோபம் அடைந்துள்ளார். இதனால் தானும் விரைவில் நல்ல பெண்ணைப் பார்த்து திருமணம் செய்து கொண்டு நடிகையின் முன்பு வாழ்ந்து காட்ட வேண்டும் என அவர் முடிவு செய்துள்ளாராம்.

சவால்:

‘இந்த நடிகையைவிட நல்ல பெண்ணை திருமணம் செய்து கொண்டு, அவர் முன் சிறப்பாக வாழ்ந்து காட்டுகிறேன் பாருங்கள்' என தனக்கு தெரிந்தவர்களிடம் கூறி வரும் நடிகர், தனக்கு பெண் தேடும் படலத்தையும் தீவிரப்படுத்தியுள்ளார்.

பாராட்டலாம் :

பழி வாங்குகிறேன் பேர்வழி என காதலித்த போது இருவரும் எடுத்துக் கொண்ட புகைப்படங்களை வெளியிட்டு பரபரப்பை ஏற்படுத்தாமல், தானும் திருமணம் செய்து கொண்டு நல்ல படியாக வாழ வேண்டும் என நடிகர் எடுத்துள்ள இந்த முடிவு பாராட்டப்பட வேண்டியது என்கிறார்கள் இருவருக்கும் வேண்டப்பட்டவர்கள்.