படத்துல ஹீரோ யாரு... நானா ? மொட்டையா ? இயக்குநரின் தலையிலேயே ‘குட்டி’ய நடிகர்!

சென்னை: டெரர் வில்லனாக அறிமுகமாகி தற்போது காமெடியில் கலந்து கட்டிக் கொண்டிருக்கிறார் மொட்டை நடிகர். சமீபத்தில் வெளியான சில படங்களில் டிரைலர் முதற்கொண்டு கட்- அவுட் வரை அனைத்திலும் ஹீரோவை விட காமெடி நடிகருக்கே அதிக முக்கியத்துவம் கொடுக்கப் பட்டிருந்தது.

அதில் ஒரு படம் சின்னத்திரையிலிருந்து பெரிய திரைக்கு ஹீரோவாக புரோமோஷன் ஆன நடிகருடையது. முதல் படம் மூலம் தான் பெரிய அளவில் பேசப் படுவோம் என எதிர்பார்த்திருந்தவருக்கு காமெடியில் கண்டம் உண்டானது. இதனால், அவர் ரூம் போட்டு அழுது வருவதாக தகவல்.

இந்நிலையில், இசை வாரிசு இயக்கி பிரகாசமான நடிகர் நடிக்கும் படத்திலும் மொட்டை நடிகர் நடிக்கிறாராம். சமீபத்திய படங்களைப் போலவே இப்படத்திலும் காமெடியை தூக்கி வைத்து படத்தை பிரபலப் படுத்த நினைத்தாராம் இசை வாரிசு.

இந்த விஷயம் பிரகாச நடிகரின் காதுகளுக்குச் சென்றுள்ளது. ஏற்கனவே தண்ணி நடிகரின் கதையை அறிந்திருந்த நடிகர், இயக்குநரைக் கூப்பிட்டு லெப்ட் அண்ட் ரைட் வாங்கி விட்டாராம்.

இந்தப்படத்தில் நான் ஹீரோவா, இல்லை அவரா என நாயகன் கேட்டதால் இயக்குநர் தரப்பு கப்சிப் ஆகிவிட்டதாம்.