முகப்பு

கிசுகிசுகார்னர்

சேதி தெரியுமா? அந்த ரப்பர் இயக்குநர் அந்த புது பொண்ணை புடிச்சிட்டாராமே என்பதுதான் இப்போதைக்கு பரபரப்பு பேச்சு. நம்பர் நடிகை இயக்குநரை காதலிப்பதாக ஊடகங்களில் செய்தி வெளியானது கூட ரப்பர் இயக்குநரை கடுப்பேத்த தானாம். ஏன் இப்படி ஆள் ஆளுக்கு மாறி மாறி காதல் கிசுகிசுவை பரப்பணும்? காரணம் இல்லாமல் இல்லைங்க.

வம்பு நடிகரை காதலித்த நம்பர் நடிகை அந்த காதல் முறிந்த உடன், ரப்பர் இயக்குநருடன் கை கோர்த்தார். இயக்குநரும் காதல் மனைவியை விவாகரத்து செய்யும் அளவிற்கு போனார். ஒரு கட்டத்தில் அந்த காதலும் கசந்து போனது.

பிக்அப் டிராப் நடிகருடன் ஜோடி சேர்ந்த நம்பர் நடிகை அவரையும் காதலிப்பதாக செய்திகள் வெளியானது. இருவரும் அதை ஏற்றுக்கொள்ளவும் இல்லை அதே நேரத்தில் மறுக்கவும் இல்லை.

ரப்பர் இயக்குநர் பாலிவுட்டில் பிஸியாக வாரிசு நடிகையுடன் காதலில் விழுந்துவிட்டதாக செய்திகள் பரவியது. ஆனால் இனி என் வாழ்க்கையில் காதலுக்கு இடமில்லை என்று ஓப்பன் ஸ்டேட்மெண்ட் கொடுத்தார் ரப்பர்.
அது ஒரு ட்ராக்கில் போக அரசியல் வாரிசு நடிகருடன் ஜோடி சேர்ந்த நம்பர் நடிகை காதல் கிசுகிசுவில் சிக்கினார். தற்கொலை என்றெல்லாம் ஒரு கட்டத்தில் செய்திகள் உலாவந்தது.

அதே நேரத்தில் ரப்பர் நடிகரும் வாரிசு நடிகையை விட்டு விட்டு தன்னுடைய படத்தில் நடிக்கும் வெளிநாட்டு நடிகையுடன் காதலில் சுற்றுவதாகவும், சமீபத்தில் நடிகையின் பிறந்தநாள் பார்ட்டி முழுவதையும் ரப்பர்தான் ஏற்றுக்கொண்டார் என்றும் செய்திகள் கசிந்தது.

இதனால் கடுப்பான நம்பர் நடிகை, ரப்பரை கடுப்பேற்ற இயக்குநருடன் நெருக்கமாக இருந்த படங்களை ஊடகங்களில் கசிய விட்டாராம். எல்லாம் சரிதான். யாரும் யாரையும் காதலிக்கலாம். எத்தனை முறை வேண்டுமானாலும் காதலில் விழலாம் ஆனால் கடுப்பேற்ற காதலிப்பது எந்த விதத்தில் நியாயம் இதனால் கடுப்பாவது என்னவோ ரசிகர்கள்தான்.