புகைப்படங்களை இறக்கியே நடிகருக்கு தூண்டில் போட்ட இன்ஸ்டா நடிகை.. இளமையை அடக்கமுடியலயாம்

சென்னை: சினிமா உலகத்தைப் பொறுத்தவரை பட வாய்ப்புகளைப் பிடிக்க எந்த எல்லைக்கு வேண்டுமானாலும் செல்லத் துணியும் நடிகைகள் ஒருபுறம் என்றால், சமூக வலைதளங்களை மட்டுமே மூலதனமாக வைத்து டாப் ஹீரோக்களை வளைத்துப் போடும் நடிகைகள் மறுபுறம் அதிகரித்து வருகிறார்கள். முன்பெல்லாம் திறமையை உசத்திப் பிடித்து வாய்ப்பு தேடிய காலம் போய், இப்போது இன்ஸ்டாகிராமில் கவர்ச்சிப் புயலைக் கிளப்பி, அதன் மூலம் எப்படியாவது வெள்ளித்திரையில் காலடி எடுத்து வைக்க வேண்டும் என்ற வெறி பலருக்கும் இருந்து வருகிறது.

இப்படி இருக்கையில், இன்ஸ்டாகிராமில் எல்லை இல்லாத கவர்ச்சிப் புகைப்படங்களை அள்ளித் தெளித்து, தமிழ் சினிமாவின் முன்னணி நடிகர் ஒருவரையே தன் வசப்படுத்தி உள்ளார் ஒரு இன்ஸ்டா பிரபலம். சமூக வலைதளங்களில் லட்சக்கணக்கான ஃபாலோயர்களைக் கொண்டுள்ள அந்த இன்ஸ்டா நடிகை, சமீபகாலமாக பதிவிட்டு வரும் புகைப்படங்கள் அனைத்தும் நெட்டிசன்களின் தூக்கத்தைக் கெடுக்கும் ரகம். ஆடைக் குறைப்பில் இன்ஸ்டாகிராம் நடிகை காட்டி வரும் தாராளம், சாதாரண ரசிகர்களைத் தாண்டி தற்போது தமிழ் சினிமாவின் பிஸியான ஒரு நடிகரின் நெஞ்சையும் சுண்டி இழுத்துவிட்டதாம்.

வயது ஏறிக்கொண்டே போனாலும், இன்னும் இளமைத் துடிப்புடன் வலம் வரும் அந்த நடிகர், இன்ஸ்டா நடிகையின் லேட்டஸ்ட் புகைப்படங்களைப் பார்த்துவிட்டு, தனது இளமையை கட்டுப்படுத்த முடியாமல் தவித்து வந்ததாகக் கூறப்படுகிறது.

திரையுலகில் ஓடும் டாக்: "இன்ஸ்டாகிராம் நடிகையின் இன்ஸ்டா பக்கத்தை தினமும் நோட்டமிடுவதையே அந்த நடிகர் ஒரு கட்டத்தில் வழக்கமாக வைத்திருந்தாராம். இதைக் கச்சிதமாகப் புரிந்துகொண்ட அந்த நடிகை, இன்னும் கொஞ்சம் தூக்கலாக புகைப்படங்களை இறக்கி நடிகருக்கு தூண்டில் போட்டுள்ளார்."

ரகசிய சந்திப்பும்.. அடுத்தடுத்த வாய்ப்புகளும்: நடிகர் முழுமையாகத் தன் வலையில் விழுந்து விட்டார் என்பதை உறுதி செய்து கொண்ட அந்த இன்ஸ்டா நடிகை, விவகாரத்தை அடுத்த கட்டத்திற்கு நகர்த்தியுள்ளார். நடிகரின் தரப்பைத் தொடர்பு கொண்டு, "உங்களுக்கு நான் ஜோடியாக நடித்தால் படம் இன்னும் வெயிட்டாக இருக்கும்" என மறைமுகமாக தூது அனுப்பியுள்ளார். நடிகரும் இதற்குச் பச்சைக்கொடி காட்ட, சமீபத்தில் ஒரு முக்கிய ஹோட்டலில் இருவருக்கும் இடையே ரகசிய சந்திப்பு ஒன்று நடந்து முடிந்ததாக கோலிவுட் வட்டாரங்கள் முணுமுணுக்கின்றன.

தயாரிப்பாளர்கள் கவலை: இதன் விளைவாக, அந்த நடிகரின் அடுத்த பிரம்மாண்ட படத்தில் ஒரு முக்கியக் கதாபாத்திரத்தில் நடிப்பதற்கு இந்த இன்ஸ்டா நடிகை கமிட் செய்யப்பட்டுள்ளாராம். ஒரு படத்தின் கதைக்கும், பட்ஜெட்டிற்கும் முக்கியத்துவம் கொடுக்காமல், நடிகர்கள் தங்களுக்குப் பிடித்தமான இன்ஸ்டா பிரபலங்களை இப்படிப் பரிந்துரைப்பது தயாரிப்பாளர்கள் மத்தியில் பெரும் கவலையை ஏற்படுத்தியுள்ளது.

ரத்தக் கண்ணீர்: ஏற்கனவே தமிழ் சினிமாவில் தயாரிப்பாளர்கள் ரத்தக் கண்ணீர் வடித்துக் கொண்டிருக்கும் வேளையில், ஹீரோக்களின் இதுபோன்ற பர்சனல் விருப்பங்களுக்காக லட்சக்கணக்கில் சம்பளம் கொடுத்து இவர்களைப் போன்றவர்களைப் படத்தில் சேர்க்க வேண்டிய கட்டாயத்திற்குத் தயாரிப்பாளர்கள் தள்ளப்படுகிறார்கள்.

சதுரங்க வேட்டை: "இளமையைக் கட்டுப்படுத்த முடியாமல் நடிகர் செய்யும் இந்த லீலைகளுக்கு, பாவம் தயாரிப்பாளர் தான் பலிகடா ஆக வேண்டுமா?" என தயாரிப்பாளர்களும் தங்களுக்குள் புலம்பி வருகிறார்கள். எது எப்படியோ, இன்ஸ்டாகிராமில் புகைப்படங்களை இறக்கியே டாப் ஹீரோவை வளைத்துப் போட்ட அந்த நடிகையின் 'சதுரங்க வேட்டை' தற்போது கோலிவுட்டில் ஹாட் டாபிக்.