லீடர் நடிகருக்கு பில்லி சூனியம் வச்சிட்டாங்களாமே!

லீடர் நடிகருக்கு எதிராக இப்போது நடக்கும் விஷயங்களுக்கெல்லாம் காரணம் அவருக்கு யாரோ பில்லி சூனியம் வைத்துவிட்டதுதான் என்று அவரது குடும்பத்தினர் நம்புகிறார்களாம்.

இதனால் ஒரு நல்ல மந்திரவாதியைத் தேடி வருகிறதாம் அவர் குடும்பம். இது கற்பனையல்ல.. சமீபத்தில் வெளியாகியுள்ள ஒரு செய்தி.

லீடர் நடிகர் நடித்த பாடிகார்டு தொடங்கி இப்போதைய நைஃப் வரை ஏக பிரச்சினை.

குறிப்பாக இப்போது அவர் நடித்து வரும் இந்தப் படத்துக்கு எதிராக அமைப்பு ரீதியாக மட்டுமல்ல, சினிமா ரசிகர்களும் கூட அதிருப்தி வெளியிட்டு வருகின்றனர்.

ஆளும் தரப்பு இந்தப் படத்தை தடை செய்துவிடும் என்றே தியேட்டர்காரர்களும் விநியோகஸ்தர்களும் நம்புகிறார்களாம்.

நடிகரின் அம்மாவோ தன் மகனுக்கு யாரோ பில்லி சூனியம் வைத்துவிட்டார்கள் என்பதைத் தீவிரமாக நம்புகிறாராம். அதனால் தன் கணவரிடம் சொல்லி நல்ல மந்திரவாதியை ஏற்பாடு செய்யுமாறு கேட்டுக் கொண்டுள்ளதாக அந்த பத்திரிகைச் செய்தி தெரிவிக்கிறது.

அதற்கு முன் குடும்பத்தோடு வேளாங்கண்ணி போய் வழிபாடு நடத்தவும் திட்டமிட்டுள்ளார்களாம்.