சினிமா நூற்றாண்டு விழாவில் லீடருக்கு கடைசி, பைக் பிரியருக்கு 4வது வரிசையில் சீட்

சென்னை: சினிமா நூற்றாண்டு விழாவில் லீடருக்கு கடைசி வரிசையிலும், பைக் பிரியர் நடிகருக்கு 4வது வரிசையிலும் தான் சீட் ஒதுக்கப்பட்டதாம்.

சினிமா நூற்றாண்டு விழாவுக்கு லீடர் நடிகரை அழைக்க மாட்டார்கள் என்று கூறப்பட்டது. இந்நிலையில் அவர் அழைக்கப்பட்டு விழாவிலும் வந்து கலந்து கொண்டார். ரசிகர் பட்டாளம் உள்ள அவருக்கு விஜபிக்கள் அமரும் இடத்தில் கடைசி வரிசையில் சீட் ஒதுக்கியிருந்தார்கள். நடிகரும் சத்தமில்லாமல் அங்கு அமர்ந்து கொண்டார்.

இதை பார்த்த பிற நடிகர்கள் அவரை முன்னால் உள்ள இருக்கையில் வந்து அமருமாறு கேட்டார்களாம். ஆனால் லீடர் மறுத்துவிட்டாராம். மேலும் நிகழ்ச்சியில் முக்கிய கலைஞர்கள் குறித்த கிளிப்பிங்ஸ் போட்டுக் காட்டினர். அதில் லீடரின் போட்டோவே இல்லையாம். இதனால் லீடருக்கு வருத்தமாகிவிட்டதாம்.

இதே போன்று பைக் பிரியர் நடிகருக்கும் 4வது வரிசையில் தான் சீட் ஒதுக்கி இருந்தார்களாம்.