காமெடி சூப்பர் ஸ்டாருக்கு கொஞ்சம் ரெஸ்ட் கொடுப்போமா?!

காமெடி சூப்பர் ஸ்டார் என்று தனக்குத் தானே பட்டம் சூட்டிக் கொண்ட காமெடிப் பார்ட்டி, இனி நடித்தால் ஸ்ட்ரெயிட்டா ஹீரோதான்... மற்ற ஹீரோக்களுக்கு தோழனாக நடிப்பதாக இல்லை என்பதில் உறுதியாக இருக்கிறாராம்.

ஆளும் முன்பு மாதிரி இல்லாமல், ஹீரோ கணக்கா பாலிஷ் போட்ட மாதிரிதான் செட்டுக்குள் வருகிறாராம். இப்போது காமெடியனாக நடித்துக் கொண்டிருக்கும் படங்களிலும், தன் கெட்டப்பை மாற்ற ஒப்புக் கொள்வதில்லையாம். இதனால் படத்தில் யார் காமெடியன் என்ற குழப்பம் வேறு வருகிறதாம். விட்டால் தனக்கும் கட்டாயமாக ஒரு ஹீரோயின் கேட்கும் அளவுக்கு காமெடியின் 'ரோதனை' தாங்க முடியவில்லையாம்.

இவரது பேச்சும் நடவடிக்கையும் இயக்குநர்களையும் ஹீரோக்களையும் கடுப்பேற்றி வருவதால், காமெடிக்கு இனி வேறு யாரையாவது பார்க்கலாம் என்ற முடிவுக்கு வரவழைத்திருக்கிறதாம், இவரை தவறாமல் பயன்படுத்தி வந்த நான்கு முன்னணி இயக்குநர்களை!