அந்த டீலிங்.. விடாத தயாரிப்பு நிறுவனம்.. வேறு வழியில்லாமல் ஓகே சொன்னாரா மாஸ் நடிகர்?

மறுபடியும் இவரா

சமீபத்தில் உச்ச நடிகரை வைத்து அந்த நோலன் இயக்குநர் இயக்கிய அந்த காக்கிச்சட்டை படம் தியேட்டர்களில் ரசிகர்களுக்கு தாலாட்டு பாடி தூங்க வைத்தது. பாக்ஸ் ஆஃபிஸ் வசூலிலும் கல்லா கட்டாத அந்த படம், இந்த ஆண்டின் மெகா சொதப்பல் லிஸ்டில் இணைந்துள்ளது. இந்நிலையில், மாஸ் நடிகரின் அடுத்த படத்தை நோலன் இயக்குநர் இயக்கப் போவது உறுதியாகி உள்ளது.

வைரஸ் போல வதந்தி

மாஸ் நடிகரின் அடுத்த படத்தை அந்த இயக்குநர் இயக்குகிறார், இந்த இயக்குநர் தான் கன்ஃபார்ம் என ஏகத்துக்கும் வதந்திகள் கொரோனா வைரஸை விட வேகமாக பரவின. ஆனால், கடைசியில் எல்லாம் வைரஸ் அல்ல வதந்திகள் என்பது தெரியவந்துள்ளது. தற்போது அந்த நோலன் இயக்குநர் தான் என்கிற புதிய பீதி ரசிகர்களை பயம் கொள்ள செய்துள்ளது.

கிடைக்கல

அய்யோ மறுபடியும் இவரா? ரொம்ப தவறான முடிவு, ராங் சாய்ஸ், மாஸ் நடிகரே கொஞ்சம் யோசியுங்க என அவரது ரசிகர்கள், இந்த புதிய கூட்டணிக்கு சிகப்பு கம்பள வரவேற்பு கொடுக்காமல், எண்ட் கார்டு போடும் வேலைகளை பார்த்து வருகின்றனர். வேறு ஆள் கிடைக்காமல் தான் இந்த இயக்குநருடன் இணைகிறார் என்றும் பேச்சுக்கள் அடிபடுகின்றன.

அந்த டீலிங்

இந்த கூட்டணிக்கு காரணமே அந்த டீலிங் தான் என்ற புதிய தகவல் ஒன்றும் தற்போது கோலிவுட் கோடாங்கி செவிகளுக்கு கசிந்துள்ளது. அது என்னவென்றால், அந்த அரசியல் படத்தால், ஏற்பட்ட நஷ்டத்தை சரி கட்ட இருவரும் மீண்டும் இணைந்து உழைக்க வேண்டும் என்பது தானாம்.

உச்சத்தில் மார்க்கெட்

அந்த மாஸ் நடிகர் தற்போது எதை தொட்டாலும் பொன்னாகிறது என்பதால், அவருடைய உச்சத்தில் இருக்கும் மார்க்கெட்டை மீண்டும் ஒரு முறை பயன்படுத்தி காசு பார்க்கவே அந்த தயாரிப்பு நிறுவனம் இப்படி ஒரு முடிவை எடுத்துள்ளதாகவும், அந்த மாஸ் நடிகர் அரை மனதுடனே இந்த கூட்டணிக்கு சம்மதித்துள்ளார் என்றும் பேசிக் கொள்கின்றனர்.