மகனின் இரண்டாவது மனைவியை நச்சரிக்கும் மாஸ் நடிகர்.. முதல் மனைவி வீட்டில் விஷேஷமாம்

சென்னை: தென்னிந்திய சினிமாவில் மாஸ் நடிகராக வலம் வரும் ஒருவரின் குடும்பத்தில் மீண்டும் சலசலப்பு ஏற்பட்டிருப்பதாக கோலிவுட் வட்டாரங்களில் கிசுகிசுக்கப்படுகிறது. குறிப்பாக, நடிகரின் மகனின் முதல் மனைவி வீட்டில் நடைபெறவுள்ள ஒரு முக்கிய குடும்ப நிகழ்வை மையமாக வைத்து, இரண்டாவது மனைவிக்கு தொடர்ந்து அழுத்தம் கொடுக்கப்பட்டு வருவதாகவும், இதனால் குடும்பத்தில் மீண்டும் பரபரப்பு ஏற்பட்டுள்ளதாகவும் கூறப்படுகிறது.

அதாவது, மாஸ் நடிகரின் மகன் தனது தனிப்பட்ட வாழ்க்கை தொடர்பாக கடந்த சில ஆண்டுகளாக அடிக்கடி செய்திகளில் இடம்பிடித்து வருகிறார். முதல் திருமண வாழ்க்கை முடிவுக்கு வந்த பிறகு, இரண்டாவது திருமணத்தை செய்து புதிய வாழ்க்கையை தொடங்கியிருந்தாலும், பழைய குடும்பத்துடனான தொடர்புகள் இன்னும் முழுமையாக துண்டிக்கப்படவில்லை என்று கூறப்படுகிறது.

இப்படி இருக்கையில், முதல் மனைவியின் வீட்டில் விரைவில் ஒரு முக்கிய விஷேஷம் நடைபெற உள்ளதாம். அந்த நிகழ்ச்சியில் மகனும் கலந்து கொள்ள வேண்டும் என்று குடும்பத்தின் ஒரு தரப்பினர் விருப்பம் தெரிவித்திருக்கிறார்களாம். அதேநேரத்தில், இதற்கு இரண்டாவது மனைவியும் சம்மதம் தெரிவிக்க வேண்டும் என்பதில் மாஸ் நடிகர் அதிக ஆர்வம் காட்டி வருவதாக கூறப்படுகிறது.

வீட்டில் நடக்கும் சம்பவம்: இந்நிலையில், "குடும்ப விஷயத்தை தனிப்பட்ட பிரச்னையாக பார்க்க வேண்டாம். எல்லோரும் மனம் விட்டு பேசினால் பல விஷயங்களுக்கு முடிவு கிடைக்கும்" என்று மாஸ் நடிகர் மீண்டும் மீண்டும் எடுத்துச் சொல்லி வருகிறாராம். ஆனால், அந்த ஆலோசனையை இரண்டாவது மனைவி பெரிதாக ஏற்றுக்கொள்ளவில்லை என்ற பேச்சும் திரையுலக வட்டாரங்களில் அடிபடுகிறது. மேலும், இந்த விவகாரத்தில் நடிகரின் மகன் நடுநிலையாக இருக்க முயற்சித்து வருவதாகவும், ஒரு பக்கம் தந்தையின் விருப்பம், இன்னொரு பக்கம் தற்போதைய குடும்ப வாழ்க்கை என இரண்டுக்கும் இடையே சிக்கித் தவித்து வருவதாகவும் கூறப்படுகிறது.

நச்சரிப்பு: மற்றொருபுறம், குடும்பத்தினருக்கு நெருக்கமான சிலர், "கடந்ததை மீண்டும் கிளறாமல், நிகழ்ச்சி அமைதியாக நடைபெற வேண்டும்" என்று அறிவுரை கூறி வருகிறார்களாம். இருப்பினும், மாஸ் நடிகர் மட்டும் இந்த விஷயத்தில் மிகவும் பிடிவாதமாக இருப்பதாகவும், குடும்ப உறவுகள் மீண்டும் சீராக வேண்டும் என்பதற்காக தொடர்ந்து முயற்சி செய்து வருவதாகவும் பேச்சு அடிபடுகிறது. முதல் மனைவி வீட்டில் நடைபெறவுள்ள அந்த விஷேஷத்தை மையமாக வைத்து, மாஸ் நடிகரின் குடும்பத்தில் மீண்டும் சலசலப்பு ஏற்பட்டிருப்பதாகவும், இரண்டாவது மனைவியை சம்மதிக்க வைக்க நடிகர் தொடர்ந்து நச்சரித்து வருவதாகவும் கோலிவுட் கிசுகிசு வட்டாரங்கள் பரபரப்பாக பேசி வருகின்றன.