சின்ன நம்பர் நடிகை, உயர்ந்த நடிகர் இடையே மீண்டும் காதல்?

சென்னை: சின்ன நம்பர் நடிகையும் அவரது முன்னாள் காதலருமான உயர்ந்த மனிதரும் மீண்டும் ஒன்று சேர்ந்துவிட்டார்கள் என்று பேச்சாக கிடக்கின்றது.

சின்ன நம்பர் நடிகையும் உயரமான அந்த தெலுங்கு நடிகரும் தான் பல காலமாக காதலித்து வந்தார்கள். அவர்கள் சேர்வதும் பிரிவதுமாக இருந்து வந்தனர். இந்நிலையில் தான் சின்ன நம்பர் நடிகை தெலுங்கு நடிகரை பிரிந்தார்.

அவரை பிரிந்த வேகத்தில் சென்னையைச் சேர்ந்த தொழில் அதிபரை காதலித்தார், நிச்சயதார்த்தம் கூட நடந்தது. ஆனால் நிச்சயதார்த்தம் முடிந்த பிறகு அவர்கள் பிரிந்துவிட்டனர். இந்நிலையில் நடிகை விருது விழாவில் கலந்து கொள்ள துபாய் சென்றுள்ளார்.

அங்கு தனது முன்னாள் காதலரை சந்தித்த நடிகை பழையவற்றை எல்லாம் மறந்து பேசியுள்ளார். இருவரும் சேர்ந்து பார்ட்டிக்கு எல்லாம் சென்றுள்ளனர். நடிகரும் பலரை காதலித்து பிரிந்து தற்போது சிங்கிளாகத் தான் உள்ளார்.

அதனால் இருவருக்கும் இடையே மீண்டும் காதல் மலர்ந்துள்ளதாக பேசப்படுகிறது.