யாருடா அந்த சண்டாளன்: துப்பறியும் நம்பர் நடிகையின் அம்மா

சென்னை: கோலிவுட்டில் இருந்து தனது மகளை ஒதுக்கப் பார்க்கும் அந்த நபர் யார் என்பதை கண்டுபிடிக்கும் பணியில் இறங்கியுள்ளாராம் சின்ன நம்பர் நடிகையின் அம்மா.

12 ஆண்டுகளாக தொடர்ந்து ஹீரோயினாகவே நடித்து வருபவர் சின்ன நம்பர் நடிகை. முன்பு போல மவுசு இல்லாவிட்டாலும் அவரை தேடி பட வாய்ப்புகள் வரத் தான் செய்கின்றன. இந்நிலையில் தான் அவருக்கும் சென்னையைச் சேர்ந்த தொழில் அதிபருக்கும் திருமணம் என்ற செய்தி தீயாக பரவியது. இந்த திருமண செய்தியை நடிகையும், அவரது தாய்க்குலமும் மறுத்தாலும் ஊர் உலகம் அவர்களின் பேச்சை நம்ப தயாராக இல்லை.

விளைவு நடிகைக்கு வந்த பட வாய்ப்பு கை நழுவிப் போனது. இதனால் நடிகை கோபத்தில் உள்ளாராம். யாரோ தன்னை வேண்டும் என்றே கோலிவுட்டில் இருந்து பேக்கப் செய்ய முயற்சி செய்வதாக நடிகை கருதுகிறாராம்.

இதையடுத்து தனது மகளை ஓரங்கட்ட நினைக்கும் அந்த நபர் யார் என்று துப்பறிந்து கொண்டிருக்கிறாராம் நடிகையின் அம்மா. இத்தனை பரபரப்புக்கு இடையே நடிகைக்கு சங்கத் தலைவர் படத்தில் நடிக்கும் வாய்ப்பு கிடைத்துள்ளதாம்.

திருமண செய்தியை மறுத்த கையோடு நடிகை அந்த தொழில் அதிபருடன் தனி விமானம் மூலம் காதல் சின்னத்தை பார்க்க டெல்லி சென்றார் என்பது குறிப்பிடத்தக்கது.